[dropcap]Г[/dropcap]ьарца шинал майрал 27-нний жулва билаятрай кlицl лагай Библиотекарттал кьини. Жулла республикалул библиотекарттал зузалт барча буллай бур Дагъусттан Республикалул культуралул министр Зарема Буттаева.
Хlурмат бусса уртакьтал! Майрал 27-нний жулва билаятрай кlицl лагай Щалагу Аьрасатнал Библиотекарттал кьини.
Аьрасатнал паччахlлугърал цалчинсса чlявучинсса библиотекалул – Императорнал публичный библиотекалул гьану бизаврин хасну кlицl лаглагисса ва ххаллилсса кьини хьунни жулва билаятрал цинявппагу библиотекартурал пишакарсса байранну.
Культуралул ва луттирду ккалаккаврил центрду хlисаврай библиотекарттал инсаннал оьрмулуву бугьлагьисса кlанттун багьа бищун къахьунссар. Ми личlлай бур кlулшивуртту, цимирагу никирал культуралул ирс ва миллатрал аьпа ябуллалисса кlанттурдуну.
Цlанакул библиотекарттай бивхьуну бур хъуни-хъунисса умудру – анжагъ библиотекарттал щаллу дуллалисса аьдатсса хlаллихшинну бартдигьавриву бакъассагу, му процессравух уттизаманнул журарду ва технологияртту ишла давривугу, культуралул рахlатсса тагьар хlасул давривусса масъалартту щаллу бавривугу.
Дагъусттаннайсса библиотекарттал сеть дур хьхьичlуннайсса, итххярхсса, мунил зузалтрал хъунмасса хlарачат буллалиссар библиотекарттал организациярттая чlявуфункцияртту щаллу буллалисса центрду, информациялул инфраструктуралул ца агьамсса ва чlявучил ишла буллалисса бутlа хьуншиврул, интеллектуал бигьалагаврил ва социал ва рувхlанийсса опыт ласаврил майдан хьуншиврул.
Жу пахрулий буссару хlакьину жула паччахlлугъирттал ва муниципал библиотекарттай хlакьсса пишакартал ва цалла даврил энтузиастътал зий бушиврия.
Кьамул бувара хlакьину культуралухасса къуллугърай зува буллалисса марцlсса захlматрахлусса дакlнийхтунусса барчаллагьрал махъру. Чан къахьуннав зул дакlурдива зува культуралул цlаний буллалисса буллугъсса захlматраясса ххаришиву, рязишиву, библиотекарттаву тlурча, чlяву хьуннав буккулт.
Барча зул байран, аьзизсса уртакьтал!
Дакlнийхтуну чlа тlий бура зун цlуллушиву ва буллугъшиву, творчествалуву цlу-цlусса хьхьичlуннайшивуртту ва хlаз-хlазсса проектру.
Бадрижамал Аьлиева
