Жижара

Аьлиллул арс Аьлиев МахIаммад

Хар-хавар бакъасса бивкIулул жуятува личIи унни, оьрмулул 81 шинаву Вихьуллал шяравасса Аьлиев МахIаммад Аьлиллул арс (Къамутахъал).

МахIаммад увну ур 1938 шинал. Ччаннай авцIуну мукьах, ванал щала оьрму шяраву зий, захIмат буллай лавгссар. Хъуни бувну, ччаннай бацIан бувссар ххаллилсса арсру ва душру.
МахIаммад ия хъинну ас-ламус бусса, тIиртIусса, чумарт­сса дакIнил заллу, инсантураву бусраврай цIа ларгсса инсан.
Ванал бивкIулул кьурчIишиву кIидачIлай буру кулпат Аьйшахь ва оьрчIахь. Цал рухI бигьаний дишиннав, алжан нясив баннав.

Жул махIлалул барачат,
Жу щийн бував аманат?
Цан къабував хIарачат
Байран жун лухIи къадан?

ВичIан цу уххарчагу,
Ссупра тIитIин байссия,
ДакIнийхтуну тIий пишгу,
Бусайссия хаваргу.

Вил дакI чаннасса дия,
Аьмаллу марцIсса бия,
Ссибизлай уклакима
Ассангу увайссия.

Тти щилли цачIун байсса
ИсулуцI къавтIи бичин?
Щилли Аяйн буцайсса
Арамтал бигьалаган.
Вихьуллал жямат


ДакIнихтуну кьурчIишиву кIидачIлай жижара буллай буру жула кказитрал хъинсса дус ва чIаравацIу Сайпуллагь Аьвдуразаковлухь ванал ххирасса ниттилссу

ПатIимат Шамхалова (Магьдиева)
аьпалул шаврийн бувну. Имандалий лавгун лякъиннав, рухI алжаннул ххари даннав, махъминнал оьрмурдай барачат бишиннав.
«Илчи» кказитрал коллектив


Хъуннасса кьурчIишивугу кIидачIлай, дакIнихтунусса жижара буллай буру Рамазаннул арс Кьурбанов Сиражуттиннухь, ванал язисса арс

Низами
чIун дакъасса бивкIулул жуятува батIул аврийн бувну. Му захIматсса дард духIансса ссавур Заннал дулуннав вихьхьун!
Ккуллал 2-мур школалул коллектив


ДакIнихтунусса кьурчIишиву кIидачIлай буру жулва уртакь Надирдул душ Жанна Абуевахь, ванил ххирасса лас

Абуев ХIусайн МахIаммадлул арс
дунияллия лагаврийн бувну. Лакрал миллатрал язисса арснал рухI хъинний дишиннав, алжаннул ххари аннав. Вихьхьунгу, вилцириннахьхьунгу ссавур Аллагьнал дулуннав!
М. Илиясовал цIанийсса «Дараччи» ккурандалул душру


Жуна цинявннанагу бусравсса, хьхьичIунсса инсан

ХIасан-ХIусайн Абуев
аьпалухьхьун лагаврийн бувну, хъуннасса къумашивугу кIидачIлай, дакIнийхтунусса жижара буллай буру ванал кулпат Жаннахь, уссу Шамиллухь, ссурвал Султанатлухь, Рукьижатлухь, ссил арс ЖахIпардухь. Цал бунагьирттал аьпа баннав, рухI рахIатний дишиннав.
«Илчи» кказитрал коллектив


Хъуннасса кьурчIишиву кIидачIлай, жижара буллай буру Аьбиди ХIайдаевлухь, ванал ссу
Муъминат
аьпалувух бишаврийн бувну. Махънал оьрмурдай барачат бишиннав. Муъминатлул рухI алжаннул ххари даннав, гьав нурданул дуцIиннав.

ДГПУ-лул математикалул, физикалул ва информатикалул
муаьллимтал ва архIал зузими