Гьашину республикалул онкологиялул центрданий зунтIиссар дурухлурду хъин дуллансса , облучение дувайсса кIира линейный ускорительлу. Ва ттизаманнул ххуйсса оборудованияр, аьщуйн щуну дурухлурду облучить дувайсса.
Лагма- ялттусса цIуллусса базурдан зарал къахьунну. Операциярду къабувнува, хIаллицIух электроннал щатIи бурган буллай дурухлурду бас дувайссар. ХIакинтурал хъиривлаявурттайн бувну, лучевая терапиялия ( укун учай ва кьяйдалийн) цIуллусса тканьннайн щавщи къабияйсса бур, цифрардал системалий зузисса аппаратрал дармансса тIиму тIайланна дурухрулувун дурган дайсса дур. Лучевая терапия дуллалини азарханалий утту бишинсса чарабакъашивугу дакъар, нюжмардий кIийла, шамийла облучение дуван занарча гьану бур.
Дагъусттаннал цIуллушиву дуруччаврил министр Жамалуттин ХIажиибрагьимовлул бувсунни, ва оборудование дишинсса цIусса корпус хIадур буллай бушиву, къашайшалт ОМС-рал кьяйдалий уква хъин буллантIишиву ва утти жулва къашайшалт федерал центрдайн тIайла буклансса чарабакъашиву къадикIантIишиву.
