[dropcap]В[/dropcap]ай гьантрай Къалмукьнал хъуншагьру Элисталий хьусса ка дишаврил (армрестлинграл) турнирданий шама дагъусттанлув ххув хьунни.
Цала-цала чурххал кIушивурттай ххув хьунни АхIмад Кьурбанов (80 кило), Бухарин ХIамзатов (85 кило) ва МухIаммад Мусаев (90 кило). КIилчинми кIанттурду бувгьунни АьлимахIаммад Оьмаровлул (75 кило) ва Шамил Алакаевлул (90 кило).
[dropcap]Ш[/dropcap]амулчинмур кIанайн лайкь хьунни АхIмад Сяъдуев (85 кило). Турнирданул хIасиллайну Дагъусттаннал цачIундур командалул бувгьунни 2-мур кIану, цалчинмур кIанай дур Къалмукьнал команда.
ХIадур бувссар
ХIасан Аьдиловлул
