Декабрь зурул 24-нний МахIачкъалалив, «Миркато» тIисса дахху- ласу дайсса ва бигьалагайсса комплексраву
Советский райондалул администрациялул ва депутатътурал сипталийну хьунни ятинсса ва мушакъатсса оьрчIансса байран.
П. Рамазанова
[dropcap]Р[/dropcap]айадминистрациялул хъунама Пахруттин Залибековлул цIанияту оьрчIру барча бунни ванал хъиривчуну зузисса, 1- мур ЦIувкIратусса Фируза Рамазановал. «ЦIусса шинал байран оьрчIан яла ххирамур байран дур. Дунияллул чIярусса тирхханнурдая махIрумсса оьрчIру ххари буван анавар бувкру жугу, вайннан цивппа ххирасса бушиву асар хьун аьркинссар, вай бахшишру дакъа къаливчIссар.
Жул цIакьсса дахIаву дуссар ятинсса ва мушакъатсса оьрчIру ябуллалисса идарарттащал, укунсса байранну чIун- чIумуй дувару, оьрчIан асар шай дурсса къулагъас»- увкунни Фирузал. ОьрчIру ххари- шад буван оьвкуну бия Дякъил Ттаттайн ва Марххаладушнийнгу, аниматортурайнгу, хIала бувххуну оьрчIащал къавтIий, миннал дакIру тяхъа- шад дуванмур буллай бия администрациялул вакилталгу.
