Так Европанал ва Дунияллул чемпионатирттай дагъусттанлувтурал ларсъссар 130-нния лирчусса медаллу, миннувату 65 – мусил.
ЛачIун буккаву+ грепплинг, дунияллул чемпионат, сентябрьданул 14-23-нний, Къазахъисттаннал Нур-Султан шагьрулий жулва лачIунбуккултрал ларсъссар 4 мусил, 1 арцул ва 1 чарвитул медал. Мусил медаллу ларсунни Заур Угуевлул (57 кило), ХIажимурад Рашидовлул (65 кило) ва Аьбдурашид Сяъдуллаевлул.
Нур-Султан шагьрулий Дагъусттаннал грепплертурал ларсунни 4 мусил медаль – ХIажимурад Аьлибаговлул, Багир ХIасратовлул, ХIажимурад Аьбдуллаевлул ва Аьбдулла Исяевлул.
[dropcap]С[/dropcap]ентябрьданул 7-21-нний Екатеринбурглив боксрал дунияллул чемпионатрай Муслим ХIажимахIаммадов цал ххув хьунни ЕвротIуркIурдай, яла – дунияллул чемпионатрай.
Сентябрьданул 3-13-нний Улан-Уде шагьрулий боксрал дунияллул чемпионатрай хъаннил дянив ххув хьунни Зенфира МахIаммадаьлиева.
Ноябрьданул 11-12-нний куклумур атлетикалул дунияллул чемпионатрай Муса Таймазовлул дурххунни чарвитул медаль.
[dropcap]Н[/dropcap]оябрьданул 25-26-нний Москавлив каратэлул дунияллул чемпионатрай ххув хьунни Шамил МахIаммадов.
Ноябрьданул 1-3-нний Будапешт шагьрулий Греко-Римуллал журалий лачIун буккаврил дунияллул первенствалий ххув хьунни Милад Аьлирзаев.
Декабрьданул 15-нний Американал Лас-Вегасрай UFC-рал абсолют биюлтрал чемпионатрай лаккучу Оьмари АхIмадов ххув хьунни американчу Ян Хейнишлуяр. Му хъуннасса хьхьичIуннайшивур жула спортсменнал.
Сентябрьданул 7-нний Лас-Вегасрай UFC-рал биюлтрал чемпионатрай лаккучу Ислам МахIачев ххув хьуссар Дейви Ромослуяр.
ХIадур бувссар
ХIасан Аьдиловлул
