Росстатрал (Аьрасатнал статистикалул управление) ккаккиярттайн бувну 2019 шинал Аьрасатнаву муштаритурансса багьри лахъ хьуну бур 3 процентрал. 2018 шинал инфляция хьуну диркIссар 4,3 процентрал.
Ларгмур шинал дукиялул сурсатру ххира хьуссар 2,6 процентрал, дукиялул дакъами хъус-хъиншиву ххира хьуссар 3 процентрал, хIаллихшинну – 3,8 процентрал.
Пассажиртурансса транспортрал багьри тамансса ххира хьуну бур. Масалдаран, архнийн лагайсса поездирттахсса багьа ххи хьуну бур 14,6 процентрал ва экономикалул классрал авиабилетру – 1,9 процентрал.
