МахIаммадал душ ХIусманова Шагьрагул
Уттигъанну жуятува лавгунни ххаллилсса хъамитайпа, ЧIяйннал шяравасса Кканхъал МахIаммадал ва Шарипатлул душ ХIусманова Шагьрагул.
Бувну бур Шагьрагул июльданул 11-нний 1940 шинал ЧIяйннал шяраву. Дянивмур даражалул школагу къуртал бувну, бувххун бур Щурагьсса кооператив техникумравун, му бувккуну, зий буссия Ваччав универмаграй. МахIачкъалалив бивзун махъ (1982 шин) зий буссия Госстрахрай.
Шагьрагул бия инсантуращал хъинну хIал бавкьусса, иминсса, жяматрай бусравсса хъамитайпа. Цила ласнащал цачIу хъунигу бувну, дуккингу бувну, цала-цала ххуллийн бивчунни мукьа арс ва ца душ. Пенсиялийн бувккун махъгу оьрчIал оьрчIах буруглай, минналсса буллайна бикIайссия.
Шагьрагул аьпалул хьусса хъуннасса кьурчIишивугу кIидачIлай, жижара буллай буру арсваврахь, душнихь, оьрчIал оьрчIахь, гъан-маччанахь – цинявннахьвагу. Цил гьав нурданул дуцIиннав, алжаннул ххари баннав, махънал оьрмурдай барачат бишиннав. Амин!
ЧIяйннал жямат
Вай гьантрай пашмансса хавар бавунни – Краснодардай оьрмулул 42 шинавусса жагьил,
Ярагъинал арс Андрей Увайсов
аьпалухьхьун лавгунни тIисса.
ЧIяйннал жяматрал, гьалмахтурал цIанияту хъуннасса кьурчIишивугу кIидачIлай, жижара буллай буру Андрейл буттауссурваврахь Давдихь, Шяпинахь, Мяммацайхь, ссурахъихь Ссугъурихь ва щалагу Увайсовхъал агьлу-авладрахь.
Андрейл бунагьирттал аьпа баннав, алжан нясив хьуннав.
ЧIяйннал жяматрал цIанияту
АьвдурахIманов ТIалхIат, Шалласуев Шалласу
