Ларгсса нюжмардий МахIачкъалаллал Кировский райондалул администрациялул зузалтрал цала райондалул полициялул
отделданул зузалтращал цачIу школардал чIаравсса мюрщи ттучаннаву снюс (наркотик куннасса, бакI гьанагьи байсса затру) бахлай бурив ххал буллалисса рейдру дурну дур.
З. АьбдурахIманова
Ми дангу савав хьуну дур, агьалинал ДГУНХ-рал ва Ухссавнил Ккавкказуллал институтрал чIаравсса ттучаннаву снюс бахлай бур тIий баян бувсса информациягу къулагъасрайн ларсун, райондалул бакIчи СалихI Сагидовлул анаварсса мутталий му иширал хъирив бизаврил даву щирикIин даву.
— Жу, вай хаварду цуксса тIайласса бурив ххал бан, жула инсан гьан увссия кIицI бувсса ттучаннавун. Мяйжаннугу, наркотикрал кунмасса асар биян байсса затру гиву дахлай душиву ашкара хьунни.
Полициялул зузалтгу бучIан бувну, снюсрал къуршивгу зевххуну, ттучаннал даххултрал хIакъираву административ журалул протоколлу чивчуссар. Рейдру дуллай буна, мукунна ляркъунни Арманинавасса акцизрал маркарду дакъасса чIярусса пIапIрусгу, — бувсунни райондалул администрациялул вакилнал.
Кировский райондалул бакIчинал сипталийну, цIана хъуншагьрулул цайми районнайсса школардачIагу, вузирдачIагу снюс бахлай бурив ххал буллай буссар.
