ПаччахIлугърал Думалул депутатътурал кьамул дунни чахирданул ва лухIитIутIул хIакъиравусса закон.
Ва закондалийн бувну, дагъусттаннал тIутIуха ва чахирдануха зузиминнал иш сантирай ва лябукку буну къулай хьун аьркинссар. Экспертътурал уттива баян бунни Дагъусттаннал, Къиримнал, Краснодардал, Ставрополлал регионнан хайрсса закон душиву, къалпсса чахир дувултран ххуллу кьукьлакьисса, низамрай ва давриха зузисса чахирдувултран ххуйсса закон душиву, гьашину Дагъусттаннай тIутIул бакIлахъия аваданссара хьушиву, уттинин 30 шинай къаларсъсса рекордрайсса бакIлахъия ларсшивугу жу танива бувсъссия. Экспертътал бур, сантирай тIутIуха, чахирдануха зурча, Дагъусттаннал экономика ххуй хьунтIиссар тIий.
