[dropcap]О[/dropcap]ктябрьданул 24-нний ДР-лул БакIчи Владимир Васильев гьуртту хьунни «Аьрасат – ттул тарихри» тIисса Тарихрал паркираву хьусса «Ттул Дагъусттан» тIисса портал тIитIаврий.

Ванал микку лавхъунни махъгу, бувсунни ми проектирдал агьамшиврия. БавтIми ванал кIул бунни цIуну ивтсса Тарихрал паркирал директорнащалгу.

---

Информациярттал портал хIадур бувну бур республикалул приоритетсса проектру цукун бартбигьлай бурив ххал булланшиврул. Мукунсса проектруну хъанай бур: «Ттул Дагъусттан – ттул щинни», «Ттул Дагъусттан – ттул ххуллурдур», «Ттул Да­гъусттан – ттул шагьрулул къулайшивурттал кIанттурдур».
ДР-лул информатизациялул, дахIавурттал ва агьалинансса коммуникациярттал министр Сергей Снегиревлул тIимунийну, портал бувну бур интернет ишла дайманан бю­хъайссаксса къулайну бикIансса куццуй.

Шикку ялагу ихтилат бунни ДР-лул Халкьуннал Мажлисрал Дуккаврил, элмулул культуралул, жагьилтурал ишир­ттал, спортрал ва туризмалул комитетрал председательнал хъиривчу, «Ттул Дагъусттан – ттул щинни» тIисса проектрал координатор Анна Безруковал. Мунил тIимунийну, му проектравун духлай дусса дур республикалул инвестициярттал программалувасса 48 проект. Миннул багьа бусса бур 2 млрд. ва 62 млн. къуруш. «МарцIсса щин» тIисса федерал программалуву бур 5 проект ва 12 проект бу­сса бур ДР-лул Шяраваллил хозяйствалул министерствалул бутIуву. Гьарца объектрай ялув бацIаву дуллай бур жяматралгу, хъунисринналгу ва цайминналгу чулухату.

Махъ лавхъунни мукунма «Ттул Дагъусттан – ттул ххуллурдур» тIисса проектрал координатор МахIаммад Рашидовлул. Мунал бувсунни му проектран циксса арцу харж дуллали­ссарив, циксса ххуллурду бакьин бантIиссарив ва ми давурттал ялув бацIаву цукун дуллай бу­ссарив.