[dropcap]О[/dropcap]ктябрьданул 1-нния ноябрьданул 23-ннийн дияннин наниссар щалагу Аьрасатнал жагьилтурал социал рекламалул «ATR-STAR» цIанилусса фестиваль,
цувгу тIайла дурсса уттизаманнул обществалул социал масъалартту щаллу баврийн, мукунна социал реклама давривусса цIу-цIусса пикрирду, цIу-цIусса гьунарду ялун личин баврийн.
Бадрижамал Аьлиева
Конкурсравух гьуртту хьун оьвтIий бур щалагу Аьрасатнавасса оьрмулул 14 шинава 30 шинавун бияннинсса жагьилтурайн. Конкурс дуллалиссар кIира ятIапрай: заочнайну язи бугьаврил хъирив хьунтIиссар очнаймур ятIап, муний гьурттушинна дувантIиссар язи увгьусса 120 инсаннал.
Ва фестиваль дуллалиссар лавайсса дуккаврил идарарттал дянив грантру дулаврил конкурсрай ххув хьусса Москавуллал информациялул ва технологиялул университетрал – Москавуллал архитектуралул ва строительствалул институтрал (МИТУ-МАСИ), Москавуллал финансово-юридический университетращал цачIуну, Москав шагьрулул СМИ-лул ва рекламалул департаментрал, мукунма Культуралул департаментрал чIарав бацIаврийну.
Конкурсравух гьуртту хъанахъиминнал социал ххуллурдайн тIайла дурсса «Альтернативное решение социальных проблем: Лучшее в тебе» тIисса темалийсса проектру щаллу дуван аьркинссар. Конкурсравух гьуртту хьун бюхъайссар рекламалул, дизайнрал, искусствалул аралуву зузисса пишакартуращагу, му даврия лапва архминнащагу. Конкурсрайн кьамул дуллалиссар таксса автортураясса ва кIулшиву дулаврил, жяматийсса ва жагьилтурал суккушиннардал коллективирттаясса давуртту. Ми дикIан аьркинссар фестивальданул темардацIун ва номинациярттацIун даркьусса, яни социал агьамшиву дусса.
Фестивальдания, мунийсса гьурттушиндарая гьарта-гьарзану кIул хьун бюхъантIиссар проектрал сайтрай: artstart.ru
Фестивальданул координатор: 2019art.start@gmaiI.com
