«Ккавкказуллал чIалъаьрду» («Башни Кавказа») тIисса цIанилусса выставка тIиртIунни МахIачкъалалив Национал библиотекалий ноябрьданул 12-нний.
Бадрижамал Аьлиева
[dropcap]В[/dropcap]а дур ДР-лул Культуралул министерствалул, «Дагъусттаннал шяравалу» тIисса цIанилусса музей-заповедникрал, Республикалул культуралул ирс буруччаврил агентствалул, Къабардин-Балкьарнал Республикалул Культуралул министерствалул ва тарихрал ва культуралул гьайкаллу дуруччаврил щалагу Аьрасатнал обществалул Къабардин-Балкьарнал Республикалийсса отделениялул цачIусса гужирдайну дуллалисса даву.
Ва дур агьали кIирагу республикалул археологиялул ирсиращал кIул баву, махъа нанисса никирал цалва улклухсса, мунил архитектуралул ва культуралул ирсирахасса хIурмат, ччаву ларай даву мурадрай, му ирс муданнасса къулагъасралу бикIан, буручлан аьркиншиву цал ххишалану дакIнийн бутлатисса ниятрайсса даву.
«Ккавкказуллал чIалъаьрду: Дагъусттан: Къабардин-Балкьар» выставка лахъи лагантIиссар ноябрьданул 26-ннийннин.
