Республикалул ХIукуматрал ва БакIчинал администрациялул хъунаманал цалчинма хъиривчу Владимир Деревянкол муниципал сакиншиннардал хъуниминнащал
агьамсса проектру бартдигьаврил тагьар ххал дигьлагьисса видеоконференциялул кьяйдалийсса совещание дунни.
«Ттул Дагъусттан – ттул щинни», «Ттул Дагъусттан – ттул ххуллурдур» ва цаймигу вара журалул программарттая бувсунни миннул координатортурал.
Халкьуннал Мажлисрал комитетрал хъунаманал хъиривчу ва «Ттул Дагъусттан – ттул щинни» проектрал жяматийссса координатор Анна Безруковал районнал ва шагьрурдал хъуниминнахь тавакъю бунни, «Ттул Дагъусттан» порталданий ккаккан дулланшиврул, дуллалисса давурттал суратру чIумуй тIайла дуклан. КIицI лавгунни му проектрал лагрулий дурсса давурттал хIакъираву информация булун буваминнал цIарду.
Ххуллурдал проектрал координатор МухIаммад Рашидовлул бувсунни аьмну 771 миллиондалунсса давурттив дувансса ният душиву республикалий. Шагьрулул кIичIирттавусса хIаятру цIу дуккан даврилсса буллалисса проектрал координатор Рукьият АхIмадовалгу бувсунни аьмну 228 хIаят цIу дуккан дувансса ниятрай зий бушиву шагьрурдай ва районнай.
П. Рамазанова
