Ссут. Ванийн жува чIявуну «мусил ссутгу» учару. Буниялагу, хIакьну куну бур – гьарца ххяххия мусил рангирайн дучIан дайсса дуну тIий. Лакку билаятрай чанну бакъа мурхьру къабикIай.

ХьхьичIава, колхозру дусса чIумал, тIалавшинна дуллай бикIайва багъру бугьан. Утти ми багъругу, вахIши хьуну, ургала акъа­сса ятинтурайн кIура бавну бур. ШяраваллачIан гъанну, хьхьичIава бивкIмигу кув ччув­ччуну, кув кьувкьуну, вари чин­сса вацIа бакъар.

Жул, Вихьуллал шяраву, тIайлар, бур инсантурал къатрал хьхьичIсса ахъаву бувгьу­сса ахъулссаннул мурхьру. Ссу­ттил вай мурхьирдал чIапIивгу цумур ахъулссаннул бурив, мунил рангирайн лавгсса кунма чIалай бур.
Ттул чIаххуврай яхъанахъи­сса щарниуссу Чариннул ахъуву­сса кьурчIи бяълилул мурхьирдал чIапIив, бяълилул рангираха лахьлай, янилун багьманал яруннан байран хIасул дуллай бур. Да, бурхха цивппагу ца исвагьийну чIалай – вания кIийнмайсса ХьхьичI-БакIул кьавкьсса сунницI!
Гьарца чIумул дур цин лар­хьхьусса ххуйшивуртту. Ми ххуйшивуртту жунна анжагъ ххал хъанан аьркинну дикIай.