Аьрасатнал регионнай «Аьрасатнал Федерациялул Цифрардал экономика» тIисса национал программа щаллу даврил чIарав бацIаву мурадрай, Культура ва кинематография хьхьичIуннай
давриха зузисса «Страна» тIисса фондрал ларсун дур цифровой фильм-дарс – «Профессии будущего». Ва ларсун дур Свердловскаллал киностудиялул. Ванил автортурал агьаммур мурадгу бур дуклаки оьрчIаву уттизаманнул технологияртту, цифрардал элмурду лахьхьаву, миннуцIун бавхIусса пишарду язи бугьаву машгьур даву.
Бадрижамал Аьлиева
«Профессии будущего» тIисса дарс ккалли дуллай бур уттизаманнул школарттайсса оьрчIру цIу-цIусса кIулшивуртту ласун гьуз учин буллалисса, миннан тарбия дулавриву, ми ватан ххирану хъуни хъанахъавриву учительтуран кумагрансса ярагъран. Мунищала архIал му дарс анжагъ жагьилтуран куну дуккан дурну дакъар, муния учительтурансса ва нитти-буттансса мюнпатгу хъунмар.
Фильмрал геройтал бур робототехникалул, искусственный интеллектрал, квантовый физикалул ва цаймигу хьхьичIунсса ххуллурдал арардаву проектру дуллалисса лавайми классирттал дуклаки оьрчIру. Ва проектрал гьаз буллай бур ца агьамсса ва аварасса масъалагу – жагьилсса пишакартал цивппа бувсса, хъуни хьусса кIанттурдая бивзун нанаврил масъала.
Ва дарс хьхьичIра-хьхьичI машгьур дуван ккаккан бувну бур билаятрал архсса кIанттурдай ялапар хъанахъисса агьалинаву.
Ва дарс канилу ччисса дуккаврил идарарттан аьркинссар цифровой-урок.рф. сайтрай заявка кьаритан.
