[dropcap]М[/dropcap]артрал 26-нний ДР-лул ХIукуматрал Председатель Артем Здунов гьуртту хьунни «Дагестанский союз промышленников и предпринимателей» тIисса давурттал дузал бувултрал цачIуншиврул ХI съездрай.

Микку гьуртту хьунни мукунма цалчинма вице-премьер ХIажимахIаммад ХIусайнов ва Аьрасатнал Промышленностьрал ва ишбажаранчитурал союзрал вице-президент Виктор Черепов.
Цалчин махъ лахълай, премьер-министрнал увкунни: «ЖучIава бур тамансса дузал къабувсса масъалартту, масалдаран, промышленность лядуккан даврил институт зузи баву, мугу, цаймигу идарартту зурча хъинну хьунссия, так зугу хIала-гьурттуну», — увкунни Артем Здуновлул.
Виктор Череповлул цаламур ихтилатраву махъ буллунни цащава шайсса кумаг бан региондалий чIиримур ва дянивмур бизнесрал давуртту лядуккан даврил ххуллий.
Давурттал дузал бувултрал цачIуншиврул давурттал хIасиллая бувсунни мунил президент Анвар Кьадиевлул. Мунал тIимунийну, уртакьну зузаврил хIакъираву кьутIирду чирчуну дур Турциянащал, Ухссавнил АьсатIин-Аланиянал республикалущал, Израилнал Дунияллул халкьуннал дянивсса рейтинграл центрданущал, Гуржиял давурттал дузал баврил центрданущал ва цаймигу идарарттащал.
Микку ихтилат бунни «Аьрасатнал промышленниктурал ва ишбажаранчитурал союзрал» Къарачай-Чаргаснал региондалул отделениялул каялувчи Абубакар Тамбиевлул.
Съездрай ихтилат бунни республикалул фермертурал хозяйствартту лядуккан даврил хIакъираву, Дагъусттаннал чIиримур ва дянивмур бизнес ххуйну зузи даврил захIматшивурттая.
Ихтилатру хьунни мукунма республикалул цIанасса жяматийсса ва экономикалул иш-тагьарданул хIакъиравуссагу. Яла хьунни му ЦачIуншиврул правлениялул бувчIавуртту. Мунил президентну увчIунни Ссапар Аьлиев.

ХIадур бувссар ХI. Аьдиловлул