Ккуллал райондалул бакIчишиврул къуллугъ биттур буллай айивхьуну хъуннасса чIун къаларгун, Русттамлул арс Шамил Рамазанов увкIуна 1-мур ЦIувкIуллал шяравун, жяматращал кIул хьун, жяматращал хьунаакьин.
ЦIувххуна жяматрахь шяраваллил тагьардания, ци цIуцIи кIантту буссарив, ци тIалавшинну дуссарив. Жяматрал бувчIин бувна шяраву связьрал иш ххуйну бакъашиву, шагьрулийсса цала гъан-маччанащал дахIаву дан къабюхълай бушиву. Райондалул бакIчинал жяматрахьхьун махъ буллуна му тагьар ца чулийн дуккан дансса кумаг бан, связь зузи дан.
Буллусса махъ Шамиллул бацIангу бунни. Муния махъ хъунма хIал къавхьуну, бивхьуну цIакьсса гужрал станция, связь зузи дунни. Зузи дайхту, жямат кIиккува, кувннайн кув оьвтIий, ххаришиврул дазу-зума дакъа бия.
ЦIувкIуллал жямат, шяравуми бикIу, шагьрурдайми бикIу, барчаллагьрай бур, бувмур бусрав хьуну бур.
Марсель ХIасанхIусайнов,
ЦIувкIуллал жяматрал цIания
