Пуннукь

Пуннукьуву дусса дур чур­ххава (ттиликIрава) аьркин дакъамур дуккан дайсса затру.

Ккуччу дурну щинавух дя­ххан дурсса пуннукьул щин хъинссар ччаруллаву чартту буминнал, бронхит думиннан, накI чансса оьрчI ккуккулий­сса хъаннин.
КъабучIиссар лахъи ларгсса пуннукь дукан, къабучIиссар гьантлун 30-50 граммнияр ххишала пуннукьрал дукан.

Хъин бувайсса рецептру

Аденомалун:
— КIира хъунна къуса щюлли­сса, ца хъунна къуса кьаркьсса пуннукьул чIапIал ялун дутIин аьркинссар 200 мл. ( 1 стакан) щаращисса щинал, дитайссар кIучI къадурну, дякъинцIа. Диргьуну, гьантлун кIийлла хIачIлан аьркинссар хъинхьунцIа.

Тромбофлебитран:
Ччаннал туннурду гьарта бувкминнан хъинну кумаг бай­ссар пуннукьрал мурхьирал ккири, чIапIив щаращи дурсса щинал. Укунасса щинал чурххал кIиришиву гьаз хьунигу хъинну кумаг байссар.

Лякьа лирминнан:
— Пуннукьрал мурхьирал кьакьан бувсса ккири мюрш бувну, гайннул ца хъунна къусул ялун пуннукьул чIапIив бичайссар, бутIайссар ца стакан кIирисса щинал, яла лагьсса цIарай дачIи ссятрайсса щаращи дайссар. 10 минутIрайсса дякъингу диртун, дигьайссар.Гьантлун 3-4-лла дук­ралул чIумал 50-70 мл. вай щинал хIачIан аьркинссар.

Рахит дусса оьрчIан пуннукьул мурхьирал чIапIал ялун щаращисса щин дуртIуну дулларча хъинссар.

Ревматизмалун:
— МарцI дурсса пуннукьул ялун ницI дутIайссар. Ва дарув канарча, ревматизмалун хъин­ссар.