Кьянкьасса ххиличIрурду «кIукIлу лаган» дан

Январьданул 15-нний ДР-лул БакIчи Владимир Васильевлул каялувшиврий хьунни гьарца нюжмардий шайсса батIаву.

[dropcap]М[/dropcap]уний ххал бивгьунни ТКО (твердые коммунальные отходы) ишла даврил цIусса сис­тема щурущи даврил масъалартту.
Республикалул БакIчинал тIимунийну, Аьрасатнал Президент Владимир Путиннул къулбас дурну дур «Аьрасатнал экологиялул оператор» тIисса компания сакин даврил хIакъиравусса хIукмулий. Му компания зунтIиссар ТКО-лул система сакин давриха.

Гьашину январьданул 1-нния шинмай билаятрай циняв субъектирттай, миннувух Дагъусттаннайгу, кьянкьасса коммунал ххиличIрурду зунтIиссар цIусса системалий.
Муния гьартану бувсунни ДР-лул тIабиаьтрал луртаннал ва экологиялул министр Набиюлла Къарачаевлул. Мунал тIимунийну, январьданул 1-нния тIайла хьуну, цайми регионнащал архIал Дагъусттангу зунтIиссар цIусса системалий. Дагъусттан бавчIуну бур 6 зоналийх, конкурсрал гьанулий бувчIуну бур регионал оператортал, муния махъ чирчуну дур хасъсса кьутIирду.
Январьданул 1-нния мукьах ми байбивхьуссар кьянкьасса коммунал ххиличIрурду салкьи дуллай, машинарттай духлай ва духлаган дуллай.

Муниципалитетирттал аьркинссар ччясса мутталий кка­ккан дуван кьянкьасса лув дагьмур паракьат дансса кIанттурду ва дузал буван ми зонарду.
Ихтилатчинал бувсунни мукунма республика гьуртту хъанахъишиву «МарцIсса билаят» тIисса федерал проект бартдигьавривух.
Мунияр ххишала, республикалул территориялий жу дузал барду 7 цIинцI-ччюрк личIи дай­сса комплексру — МахIачкъалалив, Каспийскалий, Дарбантлив, Хасавюртлив. Вай цинярда шиннардий Дагъусттаннай салкьи хъанай диркIсса цIинцI-ччюрк жу тIайла дуккантIиссар переработкалийн. Ми давуртту дувансса кIанттурдугу хIадур бувну буссар, — увкунни Къарачаевлул.
Дурсса даврин хъин чулий­сса кьиматгу бивщуну, Да­гъусттаннал БакIчинал бакIрайн лавсунни бюхъайсса кабакьин иширттацIун.

ХIадур бувссар
ХI. Аьдиловлул