[dropcap]Н[/dropcap]оябрьданул 7-нний МахIачкъалалив бартларгунни «Дагагропром – экспо-2018» тIисса выставка. Мунил лагрулий лахъисса чIумул манзилданийсса кьутIирду чичинтIий бур Дагъусттаннал ишбажаранчитурал Ираннал ва Польшанал бизнесрал вакилтуращал.

Выставкалий гьуртту хьунни Дагъусттаннал яла хьхьичIунми ишбажаранчитал, миннавух бур «Аьрасатнал 100 ххуй-хъинмур хъус» тIисса конкурсрай ххув хьуми ва «Качествалул лишан – Да­гъусттан» тIисса республикалул конкурсрай ххув хьуми.
Выставкалий цалла хъус кка­ккан дурунни Къизлардал «КУМК» ООО-рал, МахIачкъалаллал 4-мур ччатI шахьай заводрал, «Дружба» ЗАО-рал, «Кубачи артель» ООО-рал , «Кикунинский консервный завод» ООО-рал, «Рисалат холдинг» ООО-рал, «Махачкалинский мясокомбинат» ОАО-рал ва цайминнулгу.
Выставкалул лагрулий хьунни «Власть ва бизнес» тIисса ккур­кки стол, муний гьуртту хьунни Москавлия увкIсса хъамаличу – Аьра­сатнал экспертътурал ассоциациялул исполнител директорнал хъиривчу Шамил МахIаммадов. Ми­кку ххал бивгьунни чIиримур ва дянивмур бизнесрал хIакъиравусса масъалартту.

Выставкалийн бувкIминнал ва Москавлия бувкIсса хъамаллурал хъунмасса кьимат бивщунни Дагъусттаннал дукиялул сурсатирттан. Выставкалул хIасиллу дурну махъ ххал бивгьунни хIала-гьурттуну зузаврил хIакъиравусса масъаларттугу.

ХIадур бувссар
ХI. Аьдиловлул