[dropcap]Ц[/dropcap]алчинмур кьини дия грепплинграл чемпионат, муний Аьрасатнал цачIундур командалул дурххунни 24 медаль. Миннувату 11 дия мусил, 8 арцул ва 5 чарвитул. Арамтурал ларсунни 8 мусил, 5 арцул ва 3 чарвитул медаль, хъаннил – 3 мусил, 3 арцул ва 2 чарвитул. ЧIяруми мусил медаллу дурххунни Дагъусттаннал греппертурал, ми яла лахъмур наградарттал шачIанттуйн лавхъунни ряххилва.
ХI. Аьдилов
Цала-цала чурххал кIушивурттай чемпионтал хьунни дагъусттанлувтал: МахIач МахIаммадов (62 кило), Гъаирбаг Ибрагьимов (66 кило), Ризван Ризванов (71 кило), Багъир ХIасратов (77 кило), Шамил МахIаммадов (84 кило), АьвдурахIман Билалов (100 кило). КIира медаль цаймигу ларсунни Чачаннал греппертурал – Абу Гуданатовлул (92 кило) ва ХIамзат Стамбулатовлул (+100 кило).
Хъаннивату чемпионтал хьунни Лулия Горканская (64 кило), Римма Ануфриева (71 кило), Дарья Николаева(+71 кило). Мусил медаллу дурххунни мукунна испан душ Анайанси Найомил (53 кило) ва итальян душ Барбара Карианил (58 кило).
