[dropcap]М[/dropcap]ахIачкъалаллал Лениннул райондалул 1073-мур участокрал ва Советский райондалул 1126-мур участокрал, мукунна Сулайман-Стальскаллал райондалул 1284-мур участокрал ва Дагестанские огни шагьрулул 0380-мур участокрал бувчIавурттал хIасиллу къахIакьссаннун ккалли дурунни. Муния бувсунни мартрал 20-нний хьусса Дагъусттаннал ЦИК-рал батIаврий. Избиркомрай бусаврийн бувну, бувчIавурттай хьусса цаппара диялдакъашивурттайну чIурду булаврил хIасиллу дахханаххи хьуну дакъар.

Комиссиялул член ХIасан Изи—влул бувсунни чIурду булаврил кьини республикалул БувчIавурттал комиссиялийн бувкIсса заявлениярттал ва аьрзардал хIакъираву. Мунал бусаврийн бувну, Избиркомрайн бувкIун бур 8 заявление. Миннувасса цаппараннуй кIицI бувну бур бувчIавурттал комиссиялул члентурай гужрайхчилсса давурттуну дурну диркIшиву, мукунма бувчIавурттал участокирттайн чIурду булун машинарттай инсантал бувцуну бивкIшиву. Ми заявленияртту хасъсса органнайн тIайла бувккун бур. Дагъусттаннал ЦИК-рал Председатель МахIаммад Дибировлул бусаврийн бувну, чIурду буллуну къуртал шайсса чIумал чIурду булайминнал сияхIрайн лавсун бивкIссар 1 млн. ва 631 азаллий 826 инсан.

ХIадур бувссар ХI. Аьдиловлул