[dropcap]Л[/dropcap]аглай дур шинну Авгъан дяъви къуртал хьуну, лагь хъанай бакъар ихтилатру Совет Союзрал му дяъвилувухсса гьурттушиндараясса, жулла хIукуматран му ша ласун аьркинну ва къааьркинну бивкIшивриясса. Февральданул 15-нний, Авгъаннава совет аьрал буккан бувсса кьини, митинг хьунни Каспийскалийгу, аьралуннан-интернационалистътуран дацIан дурсса гьайкалданучIа.
Бадрижамал Аьлиева
[dropcap]М[/dropcap]у дяъвилий ливтIуминнал аьпа учин, сагъминнащал хьунабакьин бувкIун бия шагьрулул администрациялул, Аьрали комиссариатрал, полициялул ва цаймигу идарарттал вакилтал, дуклаки оьрчIру, студентътал, ва, гьай-гьайгу, цивппа аьралитал-авгъантал. Митинграй гьуртту хьунни Авгъаннаву жан дуллусса аьраличунал нину Ххадижат АхIмадхановагу.
[dropcap]И[/dropcap]хтилатру бунни шагьрулул администрациялул Культуралул иширттал ва жагьилтурал политикалул управлениялул начальник Мурад МахIаммадовлул, Каспийск шагьрулул Аьрали комиссариатрал отделданул начальник Марат Пашаевлул ва чIявусса цайминнал.
[dropcap]А[/dropcap]вгъаннал дяъвилийн Каспийск шагьрулия увцуну ур 125 инсан, миннавату 6-ннал жанну дуллуну дур, 60-нная ливчусса лайкь хьуну бур аьрали орденнан ва медаллан. Авгъаннавун Каспийск шагьрулия бувцуминнавух бур лакгу: ХIусайнов Шамил(«ЯтIул цIукул» ордендалун лайкь хьусса), Жидалаев Рамазан, Арчиллаев Бадруттин, Магьдиев Жяъпар, Дибиров Шяпи (дукIу аьпалул хьуссар).
