Август зурул 26-27-нний Ккуллал райондалийсса цаппара шяраваллавун чявхъа бивчуну, къатран, хъуруннан бала бувну бивкIшиврия жу цакьнива бувсъссия. Мукунсса шяраваллуну хьуну дия Къяннал, Хъювхъиял, Вихьуллал, Ссухъиящиял.
Вай шяраваллаву гъагъан дурсса шифердал магъив дакьин дуваншиврул, кумаг хIисаврай, Ккуллал райондалул идарарттал зузалтрал, школарттал учительтурал арцу дартIун, шифер ларсунни.
Ккуллал райондалул бакIчинал хъиривма Чаринов МахIаммадлул бувсунни шифер ласун мукунна ишла дуршиву, идарарттал зузалтрал дуллуми арцуцIун, райондалул резерврал фондравасса арцугу. Ванала бувсунни цумур шяравун циксса шифер диян дурссаривгу: Вихьлив ва Ссухъияхьхьун – 560, Къянив – 330, Хъювхъун – 110.
