Вай гьантрай МахIачкъалалив регионнай дувайсса «Готов к труду и обороне» тIисса щалвагу Аьрасатнал физкультуралул ва спортрал фестивальданул гъинтнилмур ятIап хьуну дур.
З. АьбдурахIманова
Шикку Дагъусттаннал шагьрурдаясса ва районнаясса 9-12 шиннардивусса 100-ксса оьрчI гьуртту хьуну ур.
Хъуншагьрулул «Труд» стадиондалий спортрал 9 журалул бяст-ччаллу хьуну бур: 60 метралийх лечин, отжимание дуван, пневматикалул ттупанграва битан, спортрал снаряд палцI дуван, 1,2-2 км. лечин ва цаймигу.
Бяст-ччаллал гьурттучитал хьунабакьин ва ххувшавуртту чIа учин шиккун увкIун ур ДР-лул культуралул ва спортрал министрнал хъиривчу Зайнал Салауттинов, МахIачкъалаллал бакIчинал хъиривчу Запир Алхасов, Европанал чемпион КьурамахIаммад КьурамахIаммадов. Фестивальдануву ххув хьусса оьрчIан дуллуну дур ГТО-рал комплексрал мусил лишанну.
