Дагъусттаннал УФСИН-лул хъунама, виваллил службалул генерал майор Муслим Даххаев увкIунни Къизилюртливсса тарбиялул колониялийн.
Ванащал колониялий ххалбигьавуртту дан увкIун ия УИС-ву инсаннал ихтиярду дуруччаврил ялув ацIайсса кумагчи, виваллил службалул подполковник Рашид Зайналаьбидов.
Укунсса ххалбигьавуртту УФСИН-лул хъунаманал ччя-ччяни дувай цала биялдаралусса идарарттай. Къизилюртливсса колониялий вайннал ххал бунни отряд ялапар хъанахъисса къатри, производствалул участок, столовая, дуснакь бувминнансса ттучан, силистталул изолятор хIисаврай зузисса къатри, карантинное отделение ва хьхьувайсса школа. Му бакъассагу, Муслим Даххаевлул ххал бунни ва идаралий зузими, кьамул бунни колониялий щябивкIминнава цащала хьунабакьин ччими. Вайннал хъунаманал хьхьичIун лавсъсса масъалартту личIи-личIисса бия. Ххал бивгьунни уттиния тихунмай вай тIайла буккансса кIанттурдал, тархъан хьуну махъ ми давурттал дузал баврил, аьралуннаву къуллугъ баврил ва ххишаласса кIулшивуртту ласаврил масъалартту. Гьарица воспитанникнащал цаща-цащала ихтилат бувну, чIалан бивкIунни дуснакьрава бувккун махъ ми цукунсса масъаларттащал хьунабакьин бюхъайссарив.
Колониялийсса шартIирдал хIакъираву Муслим Даххаевлул ихтилат бунни колониялул хъунаманащал. Ванал гьаз бунни дуснакь бувминнан медициналул къуллугъ баврил, нахIусса дукра даврил, зунсса шартIру дузал даврил ва дурсса даврих харж булаврил масъалартту.
Хъунаманахь колониялийсса шартIирдая аьрзирайсса къавхьунни.
