Хъуннасса кьурчIишивугу кIидачIлай, жижара буллай буру КIямашрал шяраватусса Мусаев Вадимлухь, ХIусайнова Жавагьихь, Мусаев Идрислухь, ПатIиматлухь, Лидахь, Земфирахь, Рафиклухь, Гулнарахь, Анжелахь,
Аьишатлухь ва вайннаяту бивзминнахь, щалвагу агьлу-авладрахь вайннал ппу, уссу, буттауссу, ласнауссу, ниттиуссу, Владикавказрай яхъанай ивкIсса
Мусаев Орджоникидзе Идрислул арс
аьпалувух ишаврийн бувну. Махънал оьрмурду лахъи баннав. Орджоникидзел рухI алжаннул ххари даннав, гьав нурданул дуцIиннав. Амин!
КIямашрал жямат
————————
Хъунмасса Буттал кIанттул цIанийсса дяъвилий жан дуллусса Ккурккуллал шяравасса Юсуплул душ Анисат Гарайхановащал, ванил душваращал, махъсса гъан-маччанащал кьурчIишиву кIидачIлай, жижара буллай буру вайннал арс, уссу, гъанчу
МахIаммад Сулайманов
жагьилсса оьрмулуву аьпалул шаврийн бувну.
МахIаммадлул рухI хъинний дишиннав. Ванан къабуллусса оьрму ниттин, ссурвавран, миннал оьрчIан булуннав. Ва кьурчIишиву духIансса яхIгу, ссавургу Анисатлухьхьунгу дулуннав.
Зул къушливун утти ххарисса бакъа хавар къабухханнав.
Ккурккуллал жямат
——————————
ХIурмат бусса жулва коллега, Дагъусттаннал паччахIлугърал аграрный университетрал доцент Гарайханова Анисат Юсуповнащал кьурчIишиву кIидачIлай, жижара буллай буру ванил аьзизсса арс
МахIаммад
оьрмулул къаувччуну дунияллия лагаврийн бувну.
Цал рухI алжаннул ххари даннав, гьав нурданул дуцIиннав. Махъсса цинявннал оьрмурдай барачат бишиннав.
Дагъусттаннал паччахIлугърал аграрный университетрал
преподавательтурал коллектив
