Аьлибулат дакIнийн утлай Цува хIалтIилух зузисса кIанттай (Черепонова шагьрулий) авария хьуну, аьпалухьхьун лавгунни Бархъаллал шяраватусса ххаллилсса чув-адамина, яхI-къириятрал заллу, Исял ва Къараххажил арс Аьлибулат.
Аьлибулат увссар 1928-кусса шинал Бархъаллал шяраву. Буттал шяраву школагу бувккуну, яла 4 шин армиялийгу дурну, лейтенантнал чиндалуву орден-медаллащал зана хьуссия. Мунал цащала ца украинчугу увцуну увкIуна, дяъвилий нину-ппу ливтIуну, ацIансса къатта-къуш бакъа ливчIун ия тIий. Тай кьянатсса дяъвилул шиннардий Аьлибулатлул нину-ппугу яхъанай бивкIссар Къаяккантлив. Яла цIунилгу кIура бавссар Бархъалав. Аьлибулатлул буссия кIива кулпатрацIасса 7 оьрчI-душ.
Цува сагъну унава Бархъаллал хIатталлив Аьлибулатлул бацIан бувну буссия цахва бищунтIисса кIалабарз, ялув чичругу дурну. Амма хар-хавар бакъасса кьадарданул цала буттал кIантту хъинну ххирасса чув гъурбатрайва личIан увунни.
Яраппий, цал бунагьирттал аьпа баннав, рухI бигьаний дишиннав!
Хамис Ссупиянова,
ш. Бархъал
