ДакIнийхтуну барча тIий ура Дагъусттаннал циняв бусурманнахь мубараксса Рамазан барз байбишаву! Ва рувхIанийсса зурул имандалийсса инсантал тIайла бацIан буллай бур Исламрал адав-мяърипатрал гьанурдачIан – тIайлашивручIан, аслахIшивручIан, гъанма ххирану икIан аьркиншивручIан. Ва зуруй дуллан аьркинссар уздансса давуртту ва аьркиннан кумаг.
ДакI дарцIуну ура, ва рувхIанийсса зума дугьаврил чаннасса кьинирду кумагну хъанантIишиврий диннал ва миллатирттал дянив аслахIшиву, рязишиву цIакь шаврин, жулва жяматраву куннал куннащалсса арарду ххуй шаврин, рувхIанийшиврул ва адав-мяърипатрал чулуха марцI буккаврил ххуллий дагъусттанлувтал цачIун шаврин.
Циняв дагъусттанлувтуран чIа тIий ура цIуллу-цIакьшиву, паракьатшиву ва дакьаву, хъиншивуртту ва барачат.
Мубараксса Рамазан зурул гьарца кьини дуцIиннав Заннаятусса цIимилул, узданшиврул ва барачатрал!
Дагъусттан Республикалул БакIчи
Р. АьбдуллатIипов
