Вай гьантрай Дагъусттаннал лайкь хьусса артистка Загьидат Муслимовал кIицI ларгунни оьрмулул юбилей. Юбилей цума-цанналгу оьрмулуву дурмунин кьимат бишлашисса ва гихуннайгу дантIимунил пикрирду гьарзасса агьамсса чIунни.
Лакрал миллатран ххирасса ва бусрав хьусса, пагьму- гьунар бусса балайчи Загьидат Муслимовал, уттинин кунма, ттиния тинмайгу цилва оьрму лайкьну, узданну, чаннану, яргну бутантIишиврийн хъисвагу щак бакъар. Миллатрал культура, цIа-кьини бюхттул дуллай ванил бихьлахьисса хъунмасса захIматран лайкьсса кьимат бивщунни ДР-лул профсоюзиртталгу. Аьрасатнал профсоюзирттал организациялул чулуха Загьидатлун дуллунни ХIурматрал грамота.
Юбилейращалгу, ва бусравсса бахшишращалгу барча буллай, чIа учин ччай буру жунма цинявннан ххирасса Загьидатлун талихI, тирхханну, оьрмулуву тIайлабацIу, дакIнил макьу даркьуну ттигу чIярусса шиннардий цилва тамашачитал ххари буллансса цIуллушивугу, кашигу.
Вил хIурмат бусса дустал, гъан-маччами
