Буттал КIанттул цIанийсса Хъунмасса дяъвилий Ххувшаву ларсун 70 шин хъанахъишивруцIун бавхIуну баян бувсса амнистиялул хIакъиравусса ХIукмулийн бувну, ДР-лул УФСИН-лул сакин дуллай бур амнистиялувун багьлагьиминнал сияхIру. Амнистиялувун багьан тIий бур Дагъусттаннал исправительный колониярдай щяивкIсса 34 инсан.
Миннавух бур хатIалий тахсир хьуну 5 шинайсса щяивкIун бивкIсса 6 инсан. 28 инсан ур амнистия къуртал хъанахъисса чIумуву дуснакьрава буккан шинаяр чIирисса чIун лирчIсса.
Мукунма амнистиялувун багьлай бур 2219 условнайну дуснакь увсса инсан:
1. Амнистиялул хIакъиравусса хIукму цIакь хьуннин дуснакьрава буккан лирчIсса шинну куклусса танмихIрайн дурцусса.
2. Дуснакь аву махъун дуртсса.
3. Тархъаншиврия махIрум къабуллалисса танмихI кьувкьуну бивкIсса.
Уттинин Дагъусттаннал уголовно-исполнительный системалул идарарттава итаавкьуну ур 3 инсан амнистиялул хIакъиравусса Постановление цIакь хьуннин дурсса тахсиркаршивурттайн бувну судрал условно дуснакь ансса ягу тархъаншиврия махIрум къаувну дуснакь ансса танмихI кьувкьусса, мукунма дуснакь аву махъун рутан ккаккан бувсса.
Данна тIий тахсиркаршиву дурну, 5 шинаяр ххишаласса чIумуй дуснакь увсса 1 инсаннан амнистиялийн бувну дуснакьраву дан лирчIсса чIун чIири дурну дур. ЦIанасса чIумалгу ДР-лул исправительный идарарттал ххалдуллай дур дуснакь бувминнал личный делорду, хIадур буллай бур амнистиялувун багьлагьиминнал хIакъиравусса документру.
ДР-лул УФСИН-лул
пресс-служба
ХIадур бувссар
А. Аьбдуллаевал
