Вай гьантрай оьрмулул 60 шин бартлаглай дур бусравсса лаккучу, ххаллилсса хIакин, Кьубиял шяравасса дяъвилул участник Сиражуттиннул арс МахIаммадов МахIаммадан.
Дагъусттан Республикалул лайкь хьусса хIакин МахIаммада Сиражуттинович ка сававсса ттурчIардил хIакинну машгьурну ур щалвагу Дагъусттаннай. Цалва оьрму медициналуцIун бавхIуну, 1982-ку шиная шихунай захIматсса ттурчIардил азарду хъин дуллай, ванал рахIат уккан увну ур цимиягу къашайшала. Лайкь хьуну ур цалва хъин бувну, буруккин буккан бувсса цикссагу инсантурал барчаллагьирттан.
ХIурмат бусса МахIаммада Сиражуттинович! ДакIнийхтуну барча дуллай ура ина дунияллийн увксса кьини. ЧIа тIий ура вин цIуллусса, лахъисса оьрму.
Ина бивзсса гьарца ша тIайлабацIусса хьуннав, дакIнийцири мурадру бартлаганнав, ххаришивуртту, хъиншивуртту чIяру даннав.
Инава ххирасса дустурангу, гъан-маччанангу, къашайшалтрангу чан къааннав!
Вил хIурмат бусса
Шихаьли Шихаьлиев
———————————————-
ДакIнийхтуну барча уллай буру КIямашрал шяраву дуллалимунил чIарав ацIайсса, бусайсса мукъуйну, дайсса тямадашиврийну мажлис-байран чIюлу дайсса, Чернобыллал авариялуву, цалла цIуллу-сагъшиврий хIайп къаувкуну, халкь ххассал бан кумагран лавгсса МахIаммадов Закаржа Месил арс 9-мур майрай бартларгсса 60 шинал юбилейращал.
ЧIа тIий буру Закаржанан цIакьсса цIуллушиву, оьрмулия щалиххан итаву, дакIнийсса мурадру бартлагаву. Ина вилва душваращал, душварал оьрчIащал, мигу ххари буллай, миннал инавагу ххари уллай, талихIрай оьрмулул уччин итаннав Хъунасса Заннал. Амин.
Душру, душнил оьрчIру,
цинявппагу ина ххирами
