Мартрал 25-нний Аьрасатнаву кIицI лагай Культуралул зузалал кьини. ЧIяву миллатру бусса жулла республикалул дур щилнияргу ва чувнияргу авадансса культурагу, мунил личIи-личIисса ххуллурдай зузисса чIявусса пишакарталгу. Ми цинявппагу Культуралул зузалал кьинилущал барча буллай бур ДР-лул культуралул министр Зарема Буттаева.

Бадрижамал Аьлиева
— ДакIнийхтуну барча буллай бура Дагъусттаннал культуралул ва искусствалул зузалт пишакарсса байрандалущал.
Жулва Аьрасат мудангу бивкIссар ва буссар ххишала дакъа авадансса культуралул аьдатирттал ва ккаккиярттал билаятну ва ми дуруччаврил цIаний дуллалимур хъиннура аьркинссар ва агьамссар цIана, 21-мур ттуршукулий.
Обществалул рувхIа­нийсса оьрмулуву литературалул бугьлай бур агьам­ссава кIану. Литературалул шинал жува лява-личIисса бусрав-барчаллагьращал буруглай буру жулва бюх­ттулсса рувхIанийсса ирсирах, цилгу кумаг буллалисса махъа нанисса никирттан цалва билаятрал граждантал, чIяву миллатру бусса билаятрал культуралул вакилтал хьун.
Дагъусттаннал культуралул учреждениярттай зузи­сса культуралул цинявппагу зузалт, искусствалул иш­ккаккулт ва творчествалул жагьилтал барча буллай бура ва Кьинилущал. ЧIа тIий бура цинявннан ялунгу зун­сса гъира-шавкь, хьхьичIунсса даву, оьрмулуву тIайлабацIу, жулла республикалул буллугъшиврул ва билаятрал цашиврул цIаний буллалисса захIматраву ларайшивуртту, – тIий бур Зарема Ажуевнал барча бавриву.