Январь зурул 31-нний ЧIурттащиял школданийсса оьрчIру дарсирдая махъ бавтIуна хъунмур классравун. БатIаврил хъунмур мурад бия школданийн хъамалу увкIсса МахIачкъалалив цала сипталий тIивтIусса Лакрал культурно-просветительный центрданул хъунама Нураттин Юсуповлущал хьунабакьаву.
Хьунабакьаврий ванал дуклаки оьрчIащал бунни ххуйсса ихтилат: лакку маз ххира шаврия, му ябаврия, лакку мазрайсса гъалгъа, чичру, буккаву даврия, лакку мазрайсса журналлу, кказитру чичаврия, ми буккаврия, лакрал литературалия, культуралия, искусствалия.
Нураттин Юсуповлул гьартану бувсунни жула халкьуннал лавгмуния, бучIантIимуния, жула халкьуннал Хъунмасса Буттал кIанттул цIанийсса дяъвилий дурсса гьурттушиннарая, жула ххюягу Виричуная, школардал дуккаврил оьрмулия ва халкьуннал багьу-бизулия.
Ихтилат къуртал бунни дуклаки оьрчIащал психологический тIуркIурду баврийну.
Дуклаки оьрчIал личIлулну вивлавсунни Нураттиннул бувсмур ва цинявннал махъ буллунни ниттил мазрахсса бургаву ларай дан, ниттил мазрал дарсирдай хьхьичIуннайшивуртту дан ва цала хьхьичI ихтилат бувсса Нураттиннул буттал ппу Нураттин Юсуповлул творчество хъинну ххуйну лахьхьин.
Хьунабакьаврил ахирданий школданийн хъамалу увкIсса Нураттин Юсуповлухь дирекциялул, учительтурал, дуклаки оьрчIал цIания барчаллагь увкунни ва хъамакъабитулунсса бахшиш дуллунни ЧIурттащиял школданий хъунмасса хIаллай зий ивкIсса учитель Давыдов ХIусайннул.
ХIусайн Давыдов,
Дагъусттаннал кIулшиву
дулаврил отличник
