2012 шинал майрал 7-нний бувксса АьФ-лул Президентнал «О мерах по обеспечению граждан РФ доступным и комфортным жильем и повышению качества жилищно-коммунальных услуг» тIисса хIукмулийн бувну, ДР-лул Строительствалул министерствалул баян бунни, шанма ва ххишаласса оьрчI-бакI бусса кулпатран гьуква аьрщарал парча буллалишиву. ДР-лул «О земле» Закондалийн бувну (2002 шинал декабрьданул 29) 3 ва ххишаласса 18 шинавун бияннинсса оьрчI-бакI бусса, миннавух бувцумигу хIисавну, нитти-буттахъахь ихтияр дуссар цанма къатта бансса аьрщарал парча ласун, агарда миннал ттинин къалавсун бивкIхьурча аьрщарал парча ва му кулпат махъсса 3 шинай ялапар хъанай бухьурча га шяраву ягу шагьрулий.
Шанма ва ххишаласса оьрчI-бакI бусса инсантуран аьркин­ссар укра аьрщи тIалав даврил хIакъираву заявление чичин шяраваллил ягу шагьрулул бакIчинайн. ЗаявлениялуцIун бишин аьркинссар укунсса документру: заявление чивчуманал паспорт, оьрчIру баврил хIакъиравусса свидетельствартту, агарда бувцусса оьрчIру бухьурча, ми буцаврил хIакъиравусса документ, ялапар хъанахъисса кIанаватусса ва кулпатраву бусса инсантурал хIакъиравусса справка.
Га заявление буллуну махъ заявлениялул заллу ласайссар аьрщи дулунсса инсантурал сияхIрайн ва ца зурул дянив дулайссар аьрщи оьрчIал нитти-буттахъан.