Дагъусттан Республикалул Президентнал ХIукмулийн бувну Аджиев Азнаур Чингисханович ивтунни ДР-лул печатьрал ва информациялул министрну.

А. Аджиев увссар 1973 шинал июньдалий Хасавюрт шагьрулий. 1995 шинал къуртал бувссар Дагъусттаннал пединститутрал чил мазурдил факультет.
2005 шинал бувккуссар Имам Шамиллул цIанийсса Ккав­кказуллал миллатирттал университет Хасавюрт шагьрулий, хьуссар филолог, журналист.
Зий айивхьуссар 1995 шинал ДГПУ-рал аьраб мазрал кафед­ралий ассистентну.
1997-2004 шиннардий ДГПУ-рал аьраб мазрал кафедралий хъунама преподавательну.
2004-2006 шиннардий – «Дагестан» РГВК-лул художественный вещаниялул таржумачину.
2006-2008 шиннардий – «Дагестан» РГВК-лул гендиректорнал хъиривчуну.
2008 шинал октябрьдания махъ цIанасса чIумалнин зий ивкIссар «Дагестан» РГВК-лул гендиректорну.