Буцинну мисаллу. Гьашину апрельданий М. Муслимова тIисса хъамитайпалучIан бувкIун бур «Витас Банк» ООО-рал конкурсрал управляющийнал вакилнаясса чагъар (Му банк бур «Агенство по страхованию вкладов» тIисса паччахIлугърал корпорациялул). Га чагъарданий ккаккан бувну бивкIун бур, «Витас Банк» ООО-рал бухгалтериялул хIиса-китаврал ккаккиярттайн бувну га хъамитайпа буржлув хьуну бушиву овердрафтрал кьутIилийну.
Мартрал 25-нний Муслимовайн оьвкуну бур судрайн, оьвчаврил мурадгу бивкIун бур га банкирал тIалавшиннарайну га хъамитайпалухь кьутIилийсса 60 азарда къурушрал бурж лахъан баву. Банкирал искрал заявлениялий ккаккан бувну бивкIун бур Муслимовал аьмсса бурж хъанай бушиву 1 504 118 63 къуруш. Гражданское делолул материаллу ларсукун М. Муслимован кIул хьуну бур кредит ласайсса ганил цIанилусса ккаккияртту къатIайласса душиву. Му ба­къассагу, паспортрайсса подразделениялул код, ганил 860 000 къурушрансса «БМБ-540» маркалул машина бушаврил хIакъиравусса , 40,9 квадрат метра дусса квартира бушаврил хIакъиравусса, зузисса кIанттул хIакъиравусса информация, ганил ласайсса харжирал, кIива вуз къуртал бувшиврул, поручительнал, ганил ласнал цIа-бакIрал хIакъиравусса информация къатIайласса ляркъуну дур.
Гражданское делолува чIа­лачIи бувну бур, кьутIи биттур даншиврул истец – «Витас Банк» ООО-рал жавабгу Муслимова­хьхьун дуллушиву 800 000 къурушращалсса пластикрал карта.
М. Муслимовал бувчIин бувну бур, «Витас Банк»-рал клиентну тачIав къабивкIшиву, кредит ласунсса заявлениягу тачIав къачивчушиву, документирттайсса ганилгу, ганил ласналгу къулбасру тIайласса дакъашиву ,къалпсса душиву.
ДукIу июльданул 3-нний Аьра­сатнал Хъунмур банкирал «Витас Банк»-раща лицензия махъуннай ларсун дур. Экспертнал заключениялийн бувну, М. Муслимовал къулбас документирттай цаманал каних дурну дур.
Прокурорнал хъиривлаявурттал материаллайн бувну МахIачкъалаллал Лениннул райондалул полициялул отделданул уголовное дело дайдирхьуну дур га закон лиян даврин хасну.
Лениннул райондалулпрокурорнал хъиривчу
С. А. Аьбдуллаев