«Локомотив» командалущал «Анжи-Ареналий» ччалли дурксса «Анжи» команда ххув къахьурча, духгу къархьунни тIий баян бувссия жу ми командартту архIал дацIаврия.(2:2). Жулламур командалул хъиривсса тIуркIулулвагу ххари банссару тIисса жулва тамахIмур нахIакьдансса лявкъунни.
Москавлив «Химки» стадиондалий «Динамолущал» ччалли дурккун «Анжи» дух хьунни. «Анжи» ххираминнал хъунмасса умуд бия командалул ттарцI хьусса Кристофер Самбайн. Англиянаву уссия Самба, му «Анжилувун» зана шаврия циняв ххари хьуна, «Динамолущалсса» бяст-ччаллил тIуркIулуву гьуртту хьун стадиондалийн увкссия.
«Динамолул» кIива гол бавкьуна «Анжилул» къапулувун. «Анжилул» минналмунивун тIурча – ца. Мунийну «Динамо» ххув хьуна.
«Спартакраву» ва СССР-данул командалуву ттуплий уклай ивкIсса эксперт Александр Бубновлул «Анжилул» футболистурай аьй дурна.
«Хьхьарану дур «Анжи» стадиондалий, миннан циваци хьуссар? Агар уттигу команда дух хьурча Гус Хиддинк хъунама тренершиврия мурахас ангу бюхъайссар», — увкуна Бубновлул.
«Анжилул» хъиривмур матч хьунтIиссар Самаралий июль зурул 28-нний «Крылья Советов» командалущал. Самаралия «Анжи» ххувшаврищал зана хьунссар тIисса умуд бишинну.
