Бюхттулсса ХхувшавричIансса ххуллул ккаккия

«Никирттал аьпа» («Память поколений») тIисса цIанилусса цIа дурксса выставкалул материаллайну авадан хьуссар утти «Аьрасат – ттул тарих» тIисса Тарихийсса паркраву думур.

Бадрижамал Аьлиева
Бюхттулсса Ххувшаврил 75 шинал юбилейран хасну дуллалисса выставка хIадур дуллай ларгун дур шинаяр ххишаласса чIун. Ва даврил цачIун бувну бур билаятрал 45 музей. Ва выставка тIиртIуссар билаятрал 19 паркраву. ХIукму бувссар выставкалул материаллу дитан паркирдал интерактив заллаву. «Никир­ттал аьпа» выставкалул ларгсса ттуршукулул тарихран хас дур­сса экспозициярттал цанмасса кIану бугьантIиссар билаятрал 22 шагьрулул музейраву.

Шиккува кIицI лаган, Хъун дяъвилул ппурттувусса ва мунияр махъсса чIумул усттартурал давурттая сакин хьусса ва выставка Аьрасатнал гьарцагу региондалий хъунмасса гъирарай ххал дуллалиссар. Жулла республикалийгу выставкалул даву дайдирхьусса шанма гьантлул дянив му ххал дурну дур азарунния ливчусса инсантурал.

Ккаккиялун бивхьусса 200-нния ливчусса живописьрал ва скульптуралул произведениялул буслай бур Хъун дяъвилул хъуни-хъуними иширттая, цивгу ттизаманнул цифралул технологиярттал кумаграйну «утта буклакисса», выставкалийн бувкIминнан ваца цивппа ларгсса ттуршукулул 40-ку шиннардий хъанай бивкIмунил гьурттучитал хьусса кунма чIалачIи буллай.

— Зий бивкIру фронтрай бикIу, къинттуллух бикIу дяъви бувхIуми художниктуращал,- тIий ур выставкалул сакиншинначи, «Аьрасат – ттул тарих» Тарихийсса паркирдал ассоциациялул директор Иван Есин.
Выставка хъанахъиссар Бюхттулсса Ххувшаврил юбилейрал лагрулий хьусса иширттал хъин-ахир.

Читайте также: