[dropcap]М[/dropcap]артрал 18-нний ДР-лул Халкьуннал Мажлисрал Председатель Хизри Шихсаидов гьуртту хьунни Аьрасатнал Президентнал бувчIавурттай. Мунал цалва ичIуваминнащал архIал чIу буллунни МахIачкъалаллал 1004-мур бувчIавурттал участокрай.

Х. Шихсаидовлул пикрилий, бувчIавурттал кьини – му хъанахъиссар билаятрал гьарца инсаннал цайвасса бурж бартбигьин аьркинсса кьинину. Цаппара инсантал аьрза буллайнма бикIай, аьй-бювкьу дуллан бикIай, амма цивппами тIурча, бувчIавурттайн чIурду булун къалагай. «ЧIурду булайманан аьркинссар, бувчIавурттал участокрайн бувкIун, цалва чIурду булун цала язи увгьума кандидатнахлу, цанчирча му бавхIуну буну тIий жулла республикалулгу, билаятралгу ялун бучIантIимуницIун. Ва хъинну жаваблувсса кьинир, мура чIумал ва байрангуди, мунил жува циняв цачIун буллай тIий. На ххарину ура хIакьину халкь шавкьирай гьуртту хъанай бушаврий», — увкунни парламентрал спикернал.

ХIадур бувссар ХI. Аьдиловлул