МахIачкъалаллал Лениннул райондалул прокуратуралул дуллай бур му райондалул аьрщарайсса чIявуквартирартту бусса къатрал хIаллихшинну бартдигьлагьисса управляющий организациярдай информация аьч баврил стандартрал хIакъиравусса Аьрасатнал ТIювалул кодексрал тIалавшинну дуруччаврил ялув бацIаврил давуртту.
АьФ-лул ТIювалул кодексрал 161-мур статьялийн бувну, управляющая организация буржлувссар цилла финансирттал ва дуллалисса давурттал агьамми ккаккиярттал хIакъиравусса информациялущал кIул уван цачIана увкIсса (мукунсса тIалавшин дусса) ччима инсан.
Управляющая организация хъанахъиссар АьФ-лул ТIювалул кодексрайн бувсса кьутIилул гьанулий чIявуквартирартту бусса къатрал бутIуву управлениялул давуртту дуллалисса юридийсса идара ягу ишбажаранчи.
Мунияту управляющая организациялул аьркинсса информациялущал муштари кIул аву АьФ-лул ТIювалул кодексрал ккаккан бувсса кьутIилуцIун бавхIуну буссар.
Мукунсса къатраву ялапар хъанахъисса инсантуращалсса кьутIирду управляющий организациярдачIа уттигу дакъар.
Информация аьч даву бувчIин аьркинссар, муштаринан аьркин дагьарча га управляющая организациялул давурттал документирттащал кIул шаву, кIул хьунсса ихтияр душаву тIий.
Стандартрайн бувну управляющая организация буржлувссар аьч дуван укунсса информация:
1. управляющая организациялул хIакъиравусса аьмсса информация; 2. управляющая организациялул давурттал ва арцу харж даврил агьамми ккаккияртту (хаснува кьутIи щаллу даврил хIакъираву); 3. къатраву дуллалисса давурттал (бартдигьлагьисса хIаллихшиннал), ремонт даврил, аьмсса хъуслил ва м.ц. информация; 4. дуллалисса давурттал, хIаллихшиннал багьлул хIакъиравусса; 5. коммунал луртаннал багьрал (тарифирттал) хIакъиравусса информация.
Управляющая организациярдал информация аьч дан аьркинссар цалва официалсса сайтирдайн лахъан дурну, цалва идаралийсса стендрайн лахъан дурну, щил-дунугу тIалав дарча га информация дулун аьркинссар чичрулийну ягу электроннал журалий.
Прокуратуралул хъиривлаявурттайну кIул бувну бур, Лениннул райондалул управляющая организациярдал Интернет сайтраву цалва веб-сайтирдай мукунсса информация аьч бувну бакъашиву закондалул ккаккан дурсса лагрулий.
Иширайну циняв управляющий организациярдал веб-сайтирдай цукунчIавсса информация дакъар бухгалтертурал шинал отчетрал хIакъираву, управляющий организациялул доходирттал ва харжлугъирттал ва мукунна цамургу информация.
ЦIанасса ппурттуву, райондалул прокурорнал хъиривлаявурттал хIасиллайн бувну, 4 управляющая организациялул каялувчинай дюъ дирхьуну дур АьФ-лул ТIювалул кодексрал тIалавшинну биттур къадаврил хIакъираву ва къатраву дайсса давурттан хасну кьутIирду къачичаврил хIакъираву.
Р. Ибрагьимов, МахIачкъалаллал Лениннул райондалул прокурорнал
кумагчи
