Октябрьданий Гъумучиял школалий хьуссия «Ссуттилсса ярмарка», цувгу сакин бувсса, анжагъ арцу датIинсса бакъассагу, дуклаки оьрчIаву ишбажаранчишиврул бюхъу итххяххан бансса мурадрайгу. Ярмаркалий дартIсса арцу тIайла дуркссар нитти-буттал аякьалулу бакъасса оьрчIан. ДартIсса арцух, ОьрчIал къатлуву тарбия буллалисса оьрчIан бахшишругу ларсун, сакин дур­ссар дялахърулул программа, Дякъил Ттаттал ва Марххаладушнил яннардавусса пишакарсса аниматортурайнгу оьвкуну. Шикку оьрчIру чялишну гьуртту хьуна...

ЦIусса шинал хьунийн Лакрал райондалул бакIчи Зураб Куччаев ивунни къуллугърал бурж биттур буллай оьрмурдацIа хьусса низам дуруччай органнал зузалтрал кулпатирттачIан. Ванащал бия Аьрасатнал МВД-лул «Лакский» МО-лул каялувчинал хъиривчу МахIаммадхалил Аьлиев ва штабрал каялувчи МахIаммадзакир МухIадов. Зураб Куччаевлул дакIнин бивчунни агьалинал ­мюхчаншиву дуруччаврил ххуллий жанну дуллусса полициялул зузалт. ЦIушинал ссайгъатирттащал бунни арцуйнусса кумагругу. «Жун тачIав дакIния...

 Елкалул байрандалия махъ, райондалул администрациялул актовый залдануву хьунни «Ёлка желаний» тIисса щалагу Аьрасатнал ихIсандалул акция. Ванил лагрулий хьунни оьрчIал мурадру биттур буллалисса аьдатсса батIаву. Шиккува кIицI бан, Украиннал аьрщарай хасъсса аьралий операция байбивхьуния шинмай ва акциялуву хъунмур къулагъас дуллай бур Ватандалул мурадру буруччаврил ххуллий талатисса аьралийтурал оьрчIах. Райондалул администрациялул ва идарарттал каялувчитурал щаллу бунни «Мурадирал...

ЦIусса шинал бухкIуллий Гъумук хьунни аьдатравун дагьсса Елкалул байран. Ваний гьуртту хьунни райондалул бакIчи Зураб Куччаев, ДР-лул Халкьуннал Мажлисрал депутат Марат Илиясов, идарарттал каялувчитал ва зузалт, шяраваллал бакIчитал, дуклаки оьрчIру. Зураб Куччаевлул, бавтIми барча буллай, кIицI лавгунни район хьхьичIуннай шаврил ххуллий ялун нанисса шинаву яла агьамну ккаклакисса мурадру ва сиптарду. Умуд бивхьунни, хасъсса аьралий операциягу...

Ларгсса шинал ахирданий, ца-кIива зурул хьхьичI, Ккурккуллал шяраву Сулаймановхъал ва КьурбанмахIаммадовхъал кулпатирттал дянив аьрщарал ялув бяст-ччал багьунни. Мунил хIакъираву Лакрал райондалул бакIчинайн бувксса КьурбанмахIаммадовхъал гъан-маччаначIан Зураб Куччаевлуя укунсса жаваб дуркIунни: «ХIурмат бусса Ккурккуллал жямат, Тимур Кьурбан­махIаммадовлул гъан-маччамий! На личIлулну ххал бав ттучIанма бувкIсса ва социал сетирдаву бивщусса, хасъсса аьралий операциялул гьурттучи, Жуковлул ордендалун лайкь хьусса...

Зураб Куччаев хьунаавкьунни Хьурттал ва ХьурукIуллал жяматращал. Хьунабакьаврий гьуртту хьунни райондалул бакIчинал цалчинма хъиривчу Абубакар Къюннуев, райондалул собраниялул хъунама Явсупи ХIамзаев, идарарттал каялувчитал, шяраваллил депутатътал ва актив. Хьурттал шяраваллил бакIчи Сурхай Бариевлул бувсунни шяравусса тагьардания. Ххал бигьлагьисса агьамми масъалартту бия: агьалинал ишла дуллалисса аьрщи кадастрданул сияхIрайн ласаву; хIачIайсса щин диял хъанай дакъашиву; аьрщи арендалий дулаву;...