Февральданул 17-нний Дагъусттаннал БакIчинал зунттал районнайсса вакил МахIаммадхIажи Зайналаьбидов увкIунни Ккуллал райондалийн. Ванащал бия Дагъусттаннал Экономикалул министерствалул зузала Шагьимардан Мудуев ва Дагъусттаннал архитектор У. Камалов.
ЦIуссалакрал райондалий Чараваллал шяраву хьунни Авгъаннаву интернационал бурж лахълай бивкIсса аьралитуращалсса хьунабакьаву. Аьдатравун дагьсса вай хьунабакьавурттал билаятрал кьатIув аьрали бурж лахълай бивкIминнал кьадру гьаз буллай бур.
Ларгсса итни кьини цIусса миналийсса Гьамиящиял шяраву хьунни школа тIитIлатIисса хъуннасса шадлугъ. Уттинин цIусса миналийсса циняв лакрал щархъаву бувну буссия цIусса уттизаманнул школарду. Гьамиящиял шяраваллил жяматран тIурча хъунмасса хIаллай ялугьлан багьссия ва куццуй ххаллилсса школа буваннин.
«Залуннан хъуснияр, хъуслин заллу аьркинссар», учай. Буниялагу, жува чIявуну хьунабакьару заллу акъасса хъус тили-хъили дуллалаврищал. Мунийн бувну чIявусса бикIай, зунттал районнал шяраваллахьхьун чIумуйну ишла дуллан дуллуну диркIсса, Бажиганнайсса, Бабаюртливсса аьрщи хIакьинусса кьини щихь дуссар тIий.
«Человеческий капитал» хьхьичIунсса проектрал подпроект «Здоровый Дагестан» цукун зий бурив ххалбансса мурадрай, вай гьантрай Лакрал райондалул администрациялул бакIчи Абакар Къюннуев ялтту увккунни райондалул азарханалул.
ЦIуссалакрал райондалий ххалдиргьунни ДР-лул БакIчи Рамазан АьбдуллатIиповлул Халкьуннал Мажлисрайнсса Рисала. Му ххалдигьлагьисса совещание дачин дурну ия ЦIуссалакрал райондалул бакIчи ХIажи Айдиев.
Дурусну ца шин хьунни Ккуллал Райондалул депутатътурал сессия къабатIлай. Ва иш укун хъанахъаврин агьаммур багьана бия, апатI нясив хьуну, дукIу январьданул ахирданий Ккуллал Райондалул собраниялул Председатель Гуйдалаев ХIамзат ахиратравун лагаву.
Райондалийн инвестицияртту кIункIу дуваврин хасну ХIурмат лавайсса гьалмахтал! Гьашинусса шиная байбивхьуну, жува аьдатравун бутланну цIусса документ – инвестициярдан хас бувсса рисала. Ванил агьамсса мурадну хъанахъиссар 2015-ку шинал райондалий ишбажаранчитуран ва цалла харж-хуржлийну давуртту дуванна тIисса инсантуран шартIру даву.
Январь зурул 30-нний Лакрал райондалул администрациялул къатрал хьхьичIсса майданнив хьунн и ЦIусса шинал елкалул байран. Муний гьуртту хьунни райондалул бакIдургьуми, идарарттал каялувчитал ва зузалт, дуклаки
ЧIявусса директортал баххана хьуссар Вихьуллал дянивмур даражалул школалий га тIивтIуния шинмай. Гай директортурал кьюкьлуву ца яргсса кIану бугьлай ур 22 шинай ва школалий каялувшиву дуллай ивкIсса Чупанов Зайнуттин Аьбдуллаевичлул. Ванал цIагу, цувагу къакIулсса Ккуллал райондалул учительтураву ва къуллугъчитураву бюхъай чансса бакъа къабикIан.
