[dropcap]Н[/dropcap]оябрьданул 8-нний МахIач­къалалив Дусшиврул къатлуву хьунни «Лезгинка» ансамбльданул къавтIалтран Сириянавусса аьрали операциялул гьурттучитурал медаллу дуллалисса шадлугърайсса батIаву.

Мунивух гьуртту хьунни ДР-лул БакIчи Владимир Васильев, АьФ-лул Обороналул министерствалул вакил Михаил Колесников, Аьрасатнал Президент Владимир Путиннул вихшалдарайсса вакил НурбахIанд НурбахIандов, ДР-лул Халкьуннал Мажлисрал председательнал хъиривчутал Елена Ельникова, МахIмуд МахIмудов ва чIявусса цаймигу къуллугъчитал.

[caption align="aligncenter" width="1200"] «Лезгинка» ансамбльданул Сириянавун лавгсса къавтIалт[/caption]

Бадрижамал Аьлиева ДакIнийн бутан, ванияр сайки шинал хьхьичI ансамбльданул коллектив лавгссар Сириянавун, аьралитурал дакI дуван, концерт кка­ккан дуван. Дагъусттаннал бренд­ран, сипатран ччянира ккалли­сса ансамбльданун гьашину хъана­хъиссар 60 шин. Шадлугъ тIиртIуна Дагъус­ттан Республикалул БакIчинал. - «Лезгинка» ансамбль гьур­тту къархьуну къалагай билаятрай я политикалул, я экономикалул, я спортрал форумру, дунияллул халкьуннал дянив­сса шадлугъру, фестиваллу. Ансамбльданул цимивагу билаят­райн аьрххи багьну бур – Австралиянава ва ЦIусса Зеландиянава тIайла хьуну, Канаданавун, Японнавун бияннин. Амма ттун хIакьину ччива миннува­сса цанний, мяъна-мурад хъинну куртIсса аьрххилий, ацIаву дуван. 2017 шинал декабрьданий ансамбльданувасса 45 инсаннал Сириянаву Аьра­сатнал аьралуннал хьхьичI ккаккан дурссар концерт.

[dropcap]А[/dropcap]ьрасатнал Федерациялул аьрали ва космический гужирдавун бухлахи­сса «Хмеймим» авиабазалий дуллуссар шанна концерт, мукунна – аьралитурал кулпатирттансса ва Сириянал агьалинансса. Концертирттал чIумал цаппаралийла гьаз хьуссар аьрали тревогалул чIу, амма концерт дяличIан къадурссар. Сириянавунсса аьр­ххилул сиптачи хьу­ссар ансамбльданул директор, Аьра­сатнал культуралул лайкь хьусса зузала Жамбулат МахIаммадов, мунал пикрилуцIун бавкьуссар ансамбльданул коллективгу, - кунни В. Васильевлул. Аьрасатнал обороналул министр­нал чулухасса приказ бувккуна АьФ-лул Обороналул министерствалул Кьиблалул аьрали округрал балайлул ва къавтIаврил ансамбльданул каялувчи Игорь Марченкол. Сириянавун лавгсса цинявппагу къавтIалтран «Сириянавусса аьрали операциялул гьур­ттучинал» медаллу дуллунни.

[caption align="aligncenter" width="650"] Лезгинка» ансамбльданул директор Жамбулат МахIаммадов ва Сириянал республикалул Аьрасатнал Федерациялийсса вакил Рияд Хаддад[/caption]

[dropcap]В[/dropcap]а кьини махъру лавхъминнавух ия Сириянал аьрабнал рес­публикалул Аьрасатнал Федерациялийсса вакил Рияд Хаддад. Мунал барчаллагь увкунни Аьра­сатнал билаятрахь, Сириянал чIарав бацIаврихлу. Ухссавнил Ккавкказуллал Федерал округрайсса Аьрасатнал Президентнал вакилнал аппаратрал Федерал инспектор Алексей ХIасановлул бувккунни Полпред Александр Матовниковлул чулухасса барча баврил махъру. Махъру лавхъун махъ хьунни АьФ-лул ДР-лийсса Пограничный управлениялул Аьрали-духовой оркестр, Дагъусттаннал паччахIлугърал филармониялул солистал, республикалул хъуншагьрулул оьрчIал творчествалул коллективру ва «Лезгинка» ансамбльданул артистътал гьуртту­сса концерт.