«Культура – Дагъусттаннал оьрчIан» тIисса цIанилусса проект оьрчIащал архIал дуклакиссар каникуллайн. Вай гьантрай тIурча, Ккуллал, Лакрал, УнцIукIуллал районная­сса, ЦIусса-Хушет поселокраясса оьрчIру бувкIун бия рес­публикалул хъуншагьрулийн.

Му проектрал лагрулий вайннал М. Горькийл цIанийсса Оьруснал театрдануву ххал бунни Дагъусттаннал паччахIлугърал опералул ва балет­рал театрданул ккаккан буллали­сса «Волшебные кисточки Диснея» цIанилусса музыкалул спектакль. Муния махъ оьрчIру лавгунни экскурсиялий Миллатрал библиотекалийн.

* * * Къорхъмаскъалаллал шяраваллил Культуралул центрданий хьунни аьдатравун дагьсса ОьрчIал художествалул творчествалул «Энемжая» тIисса фестиваль. Мунил сакиншинналулсса бувну бур Респуб­ликалул Халкьуннал творчествалул къатлул. Фестивальданувух гьуртту хьунни Къумтуркъалаллал, ЦIуссалакрал, Серго­къалаллал, Хасавюртуллал, Бабаюртуллал, Казбековуллал, Къарабудагъккантуллал, Нугъайнал районнаясса ва Къизилюрт, Каспийск, Хасавюрт шагьрурдаясса оьрчIал коллективру. * * * Дунияллул халкьуннал дянив­сса Музейрал кьинилун хасну рес­публикалул музейрдаву зузисса 23 язисса пишакар лайкь хьунни ДР-лул Культуралул министерствалул чулухасса наградарттан. * * * Майрал 15-нний кIицI лагайсса Кулпатрал кьинилун хасну, Кулпатран ва оьрчIан социал кумаг баврил Республикалул центрданий хьунни ихIсандалул ххуллийсса концерт. Му сакин дурну дия Респуб­ликалул Халкьуннал творчествалул къатлул. * * * Республикалул Халкьуннал творчествалул къатлуву хьунни халича щащаврил мастер-класс. Му бачин бувну бия Табасараннал райондалиясса Изаят Мажидова – АьФ-лул Художниктурал союзрал ва АьФ-лул Дизайнертурал союзрал член, бартбисурттал ва яннардал реставратор. * * * Дагъусттаннаясса душ Эльвира ЯхIияева НТВ каналданул «Ты супер!» тIисса проектрал финалданийн бувккунни. * * * Нальчик шагьрулий «Кинокавказ» тIисса цIанилу хьусса Ух­ссавнил Ккавкказуллал кинофестивальданий Сулайман-Стальскаллал райондалия­сса режиссер Эмин Фатуллаев ххув хьунни, «Яла ххуймур кутIаметражрал фильм» тIисса номинациялий. ХIадур бувссар Бадрижамал Аьлиевал