ЧIава гьунардучитурал фестиваль
Каспийскаллал школалийн гьаннинсса кIулшиву дулайсса идарарттайн заназиминнал дянив гьарца шинал шайссар «Жу луглай буру гьунардах!» цIанилусса фестиваль. Гьашинумур фестиваль хьунни Шагьрулул оьрчIру итххяххан баврил 5-мур центрданий.
Фестивальданул сакиншиндаралсса бунни шагьрулул УО-рал. Фестиваль хьунни «Учкъулалийн гьаннинсса дуккаврил даража: гьунар ххисса оьрчIал центр хIисаврайсса оьрчIал багъ» тIисса Президентнал программалул лагрулий. Ва кьини цалва гьунарду ккаккан бунни школалийн гьаннинсса кIулшиву дулайсса 22 идаралиясса 185 оьрчIал. Фестивальданул хьхьичIмахъ лавхъунни шагьрулул УО-лул начальник Людмила Шабановал. Фестивальданувух гьуртту хьусса цинявннан буллунни дипломру.
Бадрижамал Аьлиева