Апрель зурул 26-нний Ккуллал райондалул культуралул къатраву хьунни Хъун дяъвилул кIийла Виричу АхIмад-Хан Султаннул цIа абад дуллалисса балайрдал конкурс. Ваний гьуртту хъанай бия бугьарамигу, школалул дуклаки оьрчIругу. Ттун хIисав хьунни жула шяраваллаву «зунттуйн цIупар щун дуллалисса» балайрду учин бюхъайсса чансса бакъашиву. Ва конкурсрай гьуртту хъанахъиминналгу хъиннува тасттикь бунни му зат. Тамашачитурал ришлашисса хъатурдилгу буслай бия...
Укунсса пикрирдугу дакIниву бувгьуну жува оьрму бутларча, жуннарагу къакIулсса цIуцIавуртту ялун личавугума чан хьунссия. Гъилишиву дагьайхту, идарарттал лагмасса, инсантал заназисса ххуллурду, хIаятравусса ва къатрал лагмасса кIанттурду марцI буллай, субботникру дуллан бикIару. Гьаксса ххаллилсса аьдат дур. Ккуллал райондалул хъун шяраву, Ваччавгу дуллай бия марцIшиву. Ва дуллалиминнавух бия культуралул, библиотекалул, кIулшиву дулаврил, пенсионный фондрал ва лагма-ялттусса ттучаннал...
Гьашину зунттавусса кIи дукIунияр дяркъусса дия. Интгу чIалну дукIлай дур. На цакьнива бувсъссия зухь апрель зурул 4-нний ялун лирчушиву зунттаву дараччи. Вана апрель зурул 11-нний ттул янилун дагьунни къуппан-тIутIивгу. Ттун вай къуппан-тIутIив дукIу мартрал 30-ннийра янилун дагьну диркIун дия. Бюхъай цавайннал: «Ванан гъалгъа тIун тIутIив дакъа дакъассарив?» – учингу. Явара, мукун маучару. Оьрмулуву гьарца иширал...
Вай гьантрай Дагъусттаннал паччахIлугърал аграр университетраву хьунни «Школа фермера» тIисса кIулшиву дулаврил проектраву ххув хьуминнан грантирттансса сертификатру дуллалисса шадлугъ. Конкурсрал комиссиялул грант дулун лайкьмину личIи унни шама: Къизлардал райондалиясса Камил МахIаммадов зий ур гъаттарал дикIуха, импортозамещениялул шартIирдай «мраморный» журалул гъаттарал дикI итадакьлакьаву хьхьичIуннай дуллай. МахIарамкантуллал райондалиясса Фейзудин Ибрагьимов зий ур багъру бугьавриха, бувгьуну ур ахъулссаннул...
Лавгсса бигьалагай гьантрай Мах1ачкъалалив хьунни республикалул шяраваллил хозяйствалул ярмукIа. ЯрмукIа ххал бан бувкIун бия шяраваллил хозяйствалул ва дукиялул министр Баттал Батталов, промышленностьрал ва машлул министр Низам Халилов, МахIачкъала шагьрулул мэр Салман Дадаев. ЯрмукIалий гьуртту хьунни 180 фермер, Дагъусттаннал сайки циняв районнаясса сельхозкооперативрду ва шяраваллил хозяйствалул идарартту. ЯрмукIалий дирхьуну дия дикI, накIлил продукция, ахъулсса ва ахънилсса....
Апрель зуруй зунттаву цала аьркинмур дугьан анавар буккай шяраваллил агьлу. Амма бугьарасса, цивппалу яхъанахъисса ягу мушакъатсса инсантуран бигьану къабикIай ахъ биххангу, аьркинмур дугьангу. Укунминнан кумагран буккай ЗахIматрал министерствалул социал идарарттал зузалт. [dropcap]В[/dropcap]ана Ккуллал райондалийгу мукунсса ка-кумаг бунни социал зузалтрал цала аякьалийн лавсъсса 100 инсаннан. Аьмну райондалий социал кумаг бувайсса бур 306 инсаннан. – Шяраваллил кIанттурдай...
[dropcap]И[/dropcap]нтнил Хьхьу. Бугьарами инсантуран кIулссар цивппа мюрщиний цукун ссавур дакъа му хьхьу дучIаннин ялугьлай бикIайсса бивкIссарив. Инсаннал цалла дуван ччими давуртту, ми бартлагаву, гьай-гьай, тIабиаьтрал чIумуцIун дархIуну дикIай. Муна мукунсса чIун хъанай дур Интнил Хьхьу. [dropcap]М[/dropcap]арт зурул 21-нний Ваччав, Ккуллал райондалул Культуралул къатрал хIаятраву, хьунадаркьунни Интнил хьхьу. Ва шадлугъравух гьуртту хъанай бия райондалул шяраваллал культуралул...
ЦIийшиял шяраваллил чулуха нанисса неххацI чIявусса щаращив ялун ливчусса суннил кIану буссар. Гъилисса гьантри бухьувкун, лагма-ялтту уруглай уссияв, дарув-дармандалун ишла бансса сувравагу ппиж куну бакъарив ххал буллай. Ва гъилисса, чIаракIлу къананисса кIанай цалчин ялун личай сувра. Амма бувая сувра сукку хьун. Яла на, бакI гьаз дурну, баргълагавал чулийсса, лякьлурду хьусса лухччинийн ургайхту, янин ххал хьумунил...
1957-ку шинал на лавгссияв ЧIяйннал школалийн, ттула ниттил бурувххусса чантайлуву букварьданул лугу бивхьуну. Яннардал парчрая бувсса чантайлул ца чулух дия щекьирал ккуппи дишинсса чIирисса жипгу. Амма барз ххишалагу хьухьунссия щекьирал ккуппи аьркин къахъанай. Гьа хъанай бия укунмасса лухIи кьалан. Цалчинсса кьини жу хъун школалий бакъассияв: байбихьулул классирттал оьрчIансса къатри дия шяравура, нагу лавгссияв ттула чIунархIал...
На сайрданий увкссияв Бярнихалу тIисса кIанайн. Ва кIану буссар Вихьуллал ва Ссухъиящиял шяраваллал дянив. Бярних жул хъугу дикIайссия. Шиккун Ттуккул-БурхIаяту най буссар бакIъялавайсса машиналул ххуллу. Жул хъу цурдагу Бярнихаллил кьабакIраву аьрщарай дикIайссия. ЧIярумур чIумал ттул ниттил, аьпа бивул, ХIуриял, кIикку лухIи хъюрув дугьайва. Жул хъуния яларайсса лухччайгу та чIумал лахIунтту хьусса хъуру дикIайва. Утти вай...
