Ккуллал райондалий цаппара шяраваллаву хьунни кьатIаллил билаятирттай аьрали бурж биттур буллай бивкIминнан хас дурсса мероприятияртту. Райондалул ва шяраваллал культуралул ва бигьалагай кюрттал каялувчитурал дурсса вай мероприятиярттай гьуртту хьунни аьрали иширттал ветерантал, жагьилтурал, ветерантурал ва жяматийсса ккураннал вакилтал, активистътал, дуклаки оьрчIру. Хъусращиял шяраву, масалдаран, Авгъанисттанная совет ­аьрал буккан бувну 33 шин шаврин хас дурсса мероприятие дунни....

ЦIу лещан дувултрал касму бучIир хIисав дуван спортсментуралмунивух. Циван учирча, нажагь цIу дагьний, цамур иш хьуний, вайннангу багьлай бур зирангну цала даву дуллан. Дагъусттаннал МЧС-рал гьарца шинах бувай цIу лещан дувултрал частирдал зузалтрал дянивсса бяст-ччаллу, конкурсру. Ми бикIай теориялул зумунуссагу, практикалул иширттайнуссагу. Ми конкурсирттавух муданмагу гьуртту шай Ккуллал райондалийсса частьрал зузалт. ДукIусса шинал ахирданий вайннан...

Ттигъанну Ккуллал райондалул администрациялул актовый залдануву шадлугърал тагьарданий райондалул бакIчи Шамил Рамазановлул аьрщарал ва хъуслил министрнал хъиривчув Эмиль Ттаттаевлун дуллунни «Ккуллал райондалул бусравсса гражданин» тIисса цIа. Эмиль Ттаттаев ур Хъусращиял шяраватусса, увну ва хъуна хьуну ур МахIачкъалалив. ДГУ-лул юридический факультет хьхьичIунсса ккаккиярттащал къуртал бувну, зий ивкIссар МВД-лул структурардай личIи-личIисса къуллугъирттай. 2013-ку шинал зун увкIссар ДР-лул...

Бугьарами инсантуран ххан бикIай ялун нанисса никирал агьлу бувагу буруккинтту бакъасса инсантал бусса кунма. Му зат тIурча, оьрмулуву хьунабакьайсса иширттал щялусса бушиву тасттикь бувай. Вихьуллал почтрайн ттула иширай лавгун унува, ттун гикку хьунабавкьуна, чIярусса шиннардий Вихьуллал школалий учительну зий бивкIсса, чIаххуврай яхъанай бивкIсса, Мякъихъал тухумраясса МахIаммадова Аьйша (Кимлул Аьйша). «Вин ттул арснал арснал дурсса виричувшиврия...

Ккуллал райондалул хIакин­тал агьалинахь, пикрибакъулшиву къадуллай, вакцина бувара тIий бур. Райондалул поликлиникалул хъунмур, хIакин-гинеколог Аня КьубатIаева укун буслай бур, вакцина буваврия хайр бушиврий чIурчIав дуллай: «Гьай-гьай, вакцина бувангу, къабувангу гьарманал цала иш бур, гьарма цала заллу цувари. Амма буван-къабуван хIукму буваврийну инсаннал язи бугьлагьиссар халкьуннал дянивсса оьрму. ЩищалчIав хIала-гьурттушиву дакъа цана цувалу яхьун шайсса заманагу...

Ваччав даврийн най унува, ЧарицIалу тIисса шяраваллил хьхьичIсса ххуллий янилун дагьуна ккучун дурсса балчантрал илхъи. Га кьини дия 11 градус дякъил. Ттун балчантрай язугъ хьуна, чIалай бия гай бяхълай бушиву. Инсантурал цаппара вахIши­сса хIайвант, махь бувну, ичIаллил хIайвантрайн кIура баен бувну бур: балчант, яттил ва гъаттарал хIайвант, варантту, пиллу ва цаймигу. Инсантураву мукунна хIасул хьуну...

Зунттаву яхъанахъисса инсантурал хIакьину ца яла агьаммур маэшатну хIисав хъанай бур ятту-гъаттара ябаву. Кулпатран аьркинсса дуланмагъ миннуйну хъанай дур. Гьай-гьай, хъиннува бучIия, хъуругу дугьлай, цIурихьулувусса затру ххи дуллансса ишругу дузал буллай бивкIссания. Умуд бур мигу булланссар тIисса. Циван учирча, ттучаннайсса хъус, ялу-ялун ххира хъанарча дакъа, кьюкьлай дакъар, ми ласунсса арцулгу хъирив лаллай бакъар. Ятту-гъаттарагу, инсантал...

Хъювхъиял шяравусса райондалул Культуралул ва дялахърулул центрданул филиалданий лахъа-хъунну кIицI лагай цимурцагу байран. Филиалданий каялувшиву дуллалисса Рукьижат Оьмаева цуппава ва даврин куну лявхъусса инсан бур. Гьар мудан кунма, ЦIусса шинал байрандалуцIун дархIусса шадлугърал мажлисгу ванил лавайсса даражалий сакин бувну бия. Рукьижат Оьмаевал барча дунни цинявппагу гьурттучитурахь ЦIусса шин. ЦIусса шинал байрандалул тарихрая бусласисса ихтилат бунни...

Декабрь зурул 30-нний Ккуллал райондалул хъун шяраву, Ваччав, тIайла дурккунни жуятура нанисса шин ва хьунадаркьунни ЦIусса шин. ЦIусса шин хьунадакьаврийнсса хIадуршинна дурну дия Ккуллал райондалул культуралул зузалтрал Ибрагьимова Маринал каялувшиврий. Майдандалийсса сахIналул хьхьичI бацIан бувну бия елка. СахIна цуппагу, ЦIусса шинан хас дурсса баннер ларххун, цайми чIюлушиннардугу дурну, бакьин бувну бия. Шадлугъ дайдирхьуна ахттая махъ....