Укунсса пикрирдугу дакIниву бувгьуну жува оьрму бутларча, жуннарагу къакIулсса цIуцIавуртту ялун личавугума чан хьунссия. Гъилишиву дагьайхту, идарарттал лагмасса, инсантал заназисса ххуллурду, хIаятравусса ва къатрал лагмасса кIанттурду марцI буллай, субботникру дуллан бикIару. Гьаксса ххаллилсса аьдат дур.
Ккуллал райондалул хъун шяраву, Ваччавгу дуллай бия марцIшиву. Ва дуллалиминнавух бия культуралул, библиотекалул, кIулшиву дулаврил, пенсионный фондрал ва лагма-ялттусса ттучаннал зузалт.
Субботникру дуллан аьркиншиврул хIукму бувну бия Ккуллал райондалул бакIчи Шамил Рамазановлул. Субботникру дуллантIиссар Ххувшаврил кьини дучIаннин. Хъиннихха марцIшиву!