Ноябрь зурул 2-нний, хьхьуниву, МахIачкъалалив, Петр 1-лул цIанийсса кучалий, оьккисса авария хьунни. Анаварну нанисса куклу машина Toyota Camry ттурцIайн щуну, шама инсан оьрмулуцIа хьунни. Шупир ва ца пассажир бусса кIанай къуртал хьунни, ца пассажир азарханалий ивкIунни. КIия адамина Республикалул Травматологиялул ва ортопедиялул центрданийн иян унни. Вайннан аьркинсса кумаг буллай бур. ЦIанасса чIумал ва иширал багьана-савав...

Вай гьантрай Пятигорскалий «Машук-2021» цIанилусса Ухссавнил Ккавкказуллал жагьилтурал форумрал шамилчинмур сменалул хIасиллу дунни. Форумрал лагрулий дунни грантирттал конкурс. Ми­кку ххув хьунни 13 инсан. Вайннал проектирттан 4 490 000 арцул итабавкьуну бивкIссар. Ххув хьуминнаву кIия жагьил – Шамил ХIасанов (проект «Dar») ва МахIаммадсяид Аьлиоьмаров (проект «Трезвый выбор», Дагъусттаннаясса ур. Цала проектру дузрайн дуккан дан вайннал ларсъссар 400 000 ва...

Ноябрьданул 24-ннин кьамул буллалиссар «Кинокавказ» тIисса жагьилтурал фестивальданийнсса аьрзри. Ваний гьуртту хьун оьвтIий бур дагъусттанлувтурайнгу. Фестиваль хьунтIиссар Нальчикрай, Ухссавнил Ккавкказуллал паччахIлугърал искусствалул институтраву, цIанасса тагьаргу хIисавравун ларсун, онлайн кьаралданий, манзилданий. Кинофестивальданул пресс-къуллугърал бувсъсса куццуй, ваний гьуртту хьуну, жюрилул хьхьичIун цалла ларсъсса личIи-личIисса (короткометражный, анимационный, документальный фильмру, социал роликру) фильмру дуккан дуван бюхълай бур оьр­мулул 16...

МухIаммад Идавсил (с.аь.с) хIурматран Мадиналий бачIва ччаннах Уттигъанну Мадиналивсса МухIаммад Идавсил (с.аь.с) мизитравун биян бувкIун бур Пакистанная делегация. Премьер-министр Имран- Хан ва ванал щарсса самолетрал чурттуйх бачIва ччаннах бувчIун бур Идавсил (с.аь.с) хIурматран. Вай бачIва ччаннах Мадиналул аьрщарайх нанисса суратру щаллагу дунияллийх ппив хьуну дур. Шиккува кIицI лаган, бачIва ччаннах Пакистаннал делегация Мадиналив заназаву цIакь...

Дарбантлив COVID-19 цIуцIаврийн къаршисса вакцина бувминнал дянив баян бувну бур конкурс. Ноябрь зурул 1-нния декабрь зурул 28-ннийн вакцина бувсса инсантурал дянив духхин тIий дур 75 азарда къуруш (цалчинмур бахшиш), 50 азарда къуруш (кIилчинмур бахшиш) ва шамилчинмур бахшиш — ацI-ацIазарда къуруш. Декабрь зурул 29-нний конкурсрай гьуртту хьусса цинявннал, ххув хьумигу хIалану, духхин тIий дур агьаммур бахшиш...

Абу-Дабилив хьусса UFC 267 турнирданий 30 шинавусса Аьрасатнал лачIунукку, лаккучу Ислам МахIачев цIуссазеландец Дэна Хукердуяр ххув хьунни. Ххув хьунни цувагу ччянива, цалчинмур раундрайва,«болевой приёмрал» кумаграцIух. UFC- лул хьхьичIунми лачIунбуккултрал кьюкьлуву уттинин МахIачев ряххилчинмур ххуттай уссия, утти ххюлчинмунийн лавхъссар. Турнир къуртал хьуну махъ дуллу­сса интервьюраву Исламлул бувсунни цува хIадурну ушиву «титульный бойрайнгу». «На UFC мухIулттул хъиривра...

Октябрьданул 29-нний Дагъусттаннал БакIчи Сергей Меликовлул дурсса батIаврий ххал бивгьунни Республикалул Агропромышленностьрал комплексрал стратегиялул лябуккулул масъалартту. Сергей Меликовлул тIи­мунийну, республикалий тамансса каширду духьурчагу, дур цаппара захIматшивурттугу. Миннул дахчичру дуллай дур шяраваллил хозяйство мюнпатну лядуккан давриву. Бакъар бакIлахъия зана-кьала дайсса предприятияртту, ми машай дуккан дуллансса базарду ва цаймигу кIанттурду. Региондалул каялувчинал мукунма кIицI бунни паччахIлугърал циняв...

КIулсса куццуй, октябрьданул 30-нния ноябрьданул 7-ннин жулла республикалул культуралул идарарттал кьамул буллалиссар анжагъ QR-код бусса тамашачитал, мукунма махъсса 72 ссятрал мутталий дурсса отрицательный ПЦР-тест душиву ягу махъсса 6 зурул дянив коронавирусрал азарданул къашавай хьушиву тасттикь буллалисса чагъарду канихь буми. Культуралул шадлугъирттайн бувкIми щябитлатиссар кувнначIату кув архну ва зал так бачIиннийн бияннин буцIин бувну. Зукъази нюжмардул...